金姨小廚

营业中

休息中

呢间金姨小厨嘅生炒骨真系令我惊艳到爆，老板娘好好人，我话天口㷫，热热地有咩好开胃，佢同我讲口淡淡可以试吓食生炒骨，咁我就嗌咗一碟生炒骨试吓，点知高手在人间😂真系留低左好深刻嘅印象。佢生炒骨嘅汁酸甜度啱啱好，排骨好酥脆，最重要嘅系，佢嘅价钱实惠，大件夹抵食🤩碟生炒骨卖相好吸引，颜色好靓，而且啲排骨炸到金黄酥脆，香气扑鼻，色泽吸引，食落去仲超脆口，骨肉鲜嫩多汁，咬落去即刻融化，肉质带有微妙嘅香味，真系食完之后忍唔住想再叫多一碟，口感上外脆内软，食一啖就俾人非常多既满足感。最后，要讲下佢嘅调味，生炒骨嘅酱汁恰到好处，味道鲜美，酸甜度非常适中，唔会太甜，亦都唔会太酸，超级开胃，再加埋啲青椒同洋葱，增加咗口感，令到成碟嘢好有层次感😋😋呢道生炒骨真系令人赞不绝口。无论系外观、口感定味道，都系一流水准！最重要嘅系佢嘅价钱实惠，大件夹抵食！如果你钟意香脆嘅口感，呢道菜绝对值得你一试！食完之后，肯定会让你满足到冇得讲🤤不得不赞老板娘有礼貌又好人，依家食肆既人有礼貌真系买少见少，下次我会再带埋我老公一齐过嚟食，劲正😍