漢年茶餐廳

营业中

休息中

平日都好少去开沙田大围呢边，基本上对呢边既食店系一无所知。今日要黎呢边做野，咁就当然又系揾下有咩好食啦。发现了这间餐厅，又大家大赞既盐焗鸡饭，决定午餐黎呢度食啦。大概 1 点钟去到都唔系话劲多人，仲有d空位，但之后客人就越来越多啦。最后要左个盐焗鸡饭炒底，个阿姐问我要一碟定一碗我先知原来可以要少d，真系好啦，因为一碟我一定食唔哂，叫一碗平 $3。但呢一碗黎到我心谂早知都叫佢少饭啦，因为份量都依然几大下。效率好快呀，个饭好快就黎到啦。个炒饭黎到好靓架，炒到金黄色，真系好吸引，见到劲多蛋。不过一食落去觉得个味道同外表唔太相乎㖞，味道偏淡，无咩味，而且唔算劲干爽，有少少油，所以勉勉强强啦。个鸡都OK好食既，有鸡味，D肉又滑，一D都唔UN，不过肥左少少。唔点沙姜都好够味，点埋又系另一种感觉同味道，会惹味D。叫埋杯咖啡总共 $40，咖啡偏淡，不过好在唔酸，但好似多奶左少少。都食得过既，偶一为之都唔错呀。