博多拉麵別天神 (已結業)

去尖沙咀玩Pokemon Go，系尖东未起步先医饱个肚，食过附近嘅「劲回味」同「渣哥」两间舖，所以今次试新野，呢间都系选择之一。一向觉得拉面店贵精不贵多，呢间开咁多分店，拉面能否保持水准呢？当时排紧队正正有咁忧虑，加上拉面汤底得豚骨同虾味噌两款，睇相觉得唔多吸引。我同男友各自叫了不同嘅汤底，到左店员端上拉面来，闻一闻两个汤底，又真系好有豚骨同虾嘅香味。食拉面习惯先饮汤再食面，睇店舖块牌话，豚骨汤底系利用高压煲将豚骨和水煲成乳白色，绝无添加奶类品同味精。 饮左我碗虾味噌汤底，系有浓厚虾膏精华香味，配上原粒粟米，中和左浓味，碗里仲有少许葱碎，食落更香口。至于面条系超幼身，比一兰拉面更幼，似车仔面厚度，这跟我喜欢的有所出入，不过咬落口又几爽。(P.S. 落单有request要硬面质地)好食嘅永远留待最后先享受。碗里嘅半熟蛋刚好吸收汤味，食落好和味，至于两块叉烧肉唔造作，纯粹小鲜肉香味。除左拉面外，台上有唔同调味料, 蒜蓉，拉面汁，七味粉，辣粉， 辣芽菜，芝麻碎，仲教埋点配搭成新汤底，男友跟住整，不断话好吃！好吃！外表平平无奇，虽不至说内有干坤，但仍有值得一试嘅感觉。