WIRED CAFE (已結業)

呢日非常肚餓，點左勁多野食，但總括黎講，只係填飽左個肚首先到的係香芋奶茶，淺紫色幾靚，不過變左拉花唔顯眼，飲落有芋頭香但冇咩芋頭味，算係香滑。Tacos的變奏版，係menu睇到覺得好特別，上枱都好colorful好吸引，但一撈就覺得唔對路，蕃茄肉碎+太陽蛋？果然食落係熟悉的連鎖快餐店名物- 窩蛋牛肉飯，除左啲沙律菜同tacos有關係之外，連我espect的少少粟米片都冇，唔係話佢難食，但同個名俾人的expectation差得太遠，或者佢落返啲salsa我仲會覺得好啲。明太子意粉，明太子算俾得多，味道唔錯，意粉冇煮到淋，不過食過其他分店就覺得差啲，汁收唔唔夠乾，有返少少辣味會食得過癮啲。炸魚薯條係叫下午茶餐，分量就唔細，一次過三隻source,千島，他他同salsa，滿足唔同人需要，新鮮上檯熱食實唔差，炸魚表面脆，入面滑，炸粉夠薄，算係本日之最，但薯角就內外都淋，薯味唔出之餘亦冇加調味粉，如果唔點醬實係唔好食。食完主食幾失望，轉戰甜品都係麻麻，呢個士多啤梨窩夫好似係期間限定，窩夫偏實淨，有啲似食包，好在有雪糕同士多啤梨補夠，士多啤梨粒粒都幾甜，夾埋半溶雪糕連窩夫食都叫滿足左食甜品的心