影片
更多
2017-06-24
100 浏览
呢日返完大学听讲座，夜晚6点左右坐一个站到坚尼地城食晚饭。朋友一早订了位，所以餐厅都预留左张枱比我地。走到餐厅内，见到好多表情可爱的熊啤啤同小白兔公仔，顿时开启了"港女mode" (狂影相!!)。装修走高档休闲路线，云石枱配白云灯，加上每一枱都系梳化櫈，枱面放有烛光，既有情调亦舒适。坐底无几耐，见到有一家大细黎食饭，小朋友见到咁多得意公仔，听到佢即刻话要拣有cushion既位坐😂！前菜: 海胆蟹肉牛油梨芒果他他 ($98)一揭开餐牌，无谂过呢间貌似cafe卖既食物会咁高档，而第一样令我双眼发亮既就系呢个他他！以牛油果蓉、芒果粒同羽衣甘蓝做底，口感非常软滑。利用芒果既酸甜同羽衣甘蓝既清新中和左牛油果既饱济感，系别有心思既做法。中层铺上满满的蟹肉，有咸鲜味之余，肉质更是爽口。上层以沙律菜垫底，铺上矜贵的两样食材: 海胆同黑松露，为他他提升色香味。海胆鲜甜，份量大概有一行咁多，绝对比得上价钱，不过个人会偏好用加拿大海胆，口感应会较佳！令我非常欣赏的是，伴碟不但美观，而且味道配合使用的食材。碟的四周淋上了黑醋橄榄油，比客人伴沙律菜食; 另外再加了脆卜卜的鱼子，实在系令人齿颊留香。 小食: 烧蒜
坐底无几耐，见到有一家大细黎食饭，小朋友见到咁多得意公仔，听到佢即刻话要拣有cushion既位坐😂！
前菜: 海胆蟹肉牛油梨芒果他他 ($98)
一揭开餐牌，无谂过呢间貌似cafe卖既食物会咁高档，而第一样令我双眼发亮既就系呢个他他！以牛油果蓉、芒果粒同羽衣甘蓝做底，口感非常软滑。利用芒果既酸甜同羽衣甘蓝既清新中和左牛油果既饱济感，系别有心思既做法。中层铺上满满的蟹肉，有咸鲜味之余，肉质更是爽口。上层以沙律菜垫底，铺上矜贵的两样食材: 海胆同黑松露，为他他提升色香味。海胆鲜甜，份量大概有一行咁多，绝对比得上价钱，不过个人会偏好用加拿大海胆，口感应会较佳！
令我非常欣赏的是，伴碟不但美观，而且味道配合使用的食材。碟的四周淋上了黑醋橄榄油，比客人伴沙律菜食; 另外再加了脆卜卜的鱼子，实在系令人齿颊留香。
小食: 烧蒜蓉生蚝 ($40/只)
从未试过烧蒜蓉的食法，就叫左一只试。又一道令我喜出望外既野食，焗过既蒜蓉十分香口无苦味，里面既生蚝依然系生食既口感，无缩水，好感动！
滋味小食: 小食拼盘 ($88)
拼盘有薯条、4件切件炸软壳蟹同4只BBQ鸡翼。
薯条粗幼适中，上有黑椒和盐花，而精粹当然系晒酱汁之上！酱汁除左有茄汁，仲有牛油果酱同黑松露沙律酱！！个人认为，薯条点黑松露沙律酱系绝配的。
炸软壳蟹件有蟹膏，但略嫌炸酱有点硬，冻左无咁好食。我钟意将炸软壳蟹点牛油果酱，因为牛油果酱带点酸，开胃！
鸡翼同样的惹味，BBQ酱重口味，但同样略嫌鸡皮冻左有点韧，不过味道很不错！
主食: 明太子意大利面配海胆 ($158)
个白汁非常非常丰富又香浓，明太子更系海量咁落系个汁之中; 意粉弹牙，烚既时间岩岩好，每啖都雪雪声咁食！主角海胆同样都系无苦无腥味，咁既价钱绝对系良心价。
总结黎讲，L'attitude系食物味道同质素、摆盘、份量，各方面都超晒班！价钱不贵，但可以食到高级西餐的质素，系难得一见的好餐厅！
张贴
