Restoran SAYA

营业中

休息中

同朋友庆祝生日，朋友话呢间好难book，之前Walk in都Walk in唔到，想试呢一间。咁我就尝试book下佢有几神级。无可否认佢个鸡扒面系几好食嘅，个鸡扒处理得几好个皮煎得好脆，个咖喱汁唔会太辣如果点埋薄饼食就十分出色。讲返个面先，真心觉得好正，脆卜卜个口感好特别。食完呢个满心欢喜，好期待下几个𩠌嘅莅临。但最终系有几失望，个炭烧猪颈肉冇炭火嘅味道。个蟹肉饼我觉得系几鲜味嘅，但系个蛋同佢讲咗唔好煎得咁熟，但系最后出到嚟都系好熟，同埋佢个蛋汁系浓到有少少咸。咁朋友生日啦，个芒果糯米饭就变咗做个蛋糕，但系个芒果肉好似啤完水之后完全冇浸过糖浆咁，系完全冇芒果嘅甜味。不过如果你打卡影相系一个唔错嘅选择。