影片
更多
2019-07-15
946 浏览
有次行过刚刚有D肚饿，闻到串烧香，买咗串最稳阵既鸡肉串食。一食之下，不得了，所以一定要再食，而且要试埋其他。餐厅位于地铁站一出约半分钟路程，系街上转角位，一边堂食入口，另一边外卖串烧品种唔多，一串串放系门口俾客人拣，收到order即叫即烧今日叫咗鸡肉、鸡肾同猪肉有三款酱料俾客人，但唔会令我三心两意，我依然最喜欢沙爹点沙爹酱大约等咗十分钟，香喷喷既串烧就到手，鸡肉同上次食既一样好软，火喉刚刚好，即使返到屋企冻咗少少都无损质感，猪肉同鸡肾都一样好味，更加想赞既系猪肉同鸡肾都咬咗6,7啖先食得晒，份量真系好足够。
题外话/补充资料：
系烧紧既中途我问姐姐可唔可以要盒带走，姐姐表示要收我一蚊，俾钱后隔一阵就见到姐姐将烧好既串烧放入个盒，最好系打开个发泡胶盒见到有块生菜垫底，避免串烧既热力直接热熔胶盒，所以我觉得哩间舖同同区既其他食店唔同，更值得推介。
(以上食记乃用户个人意见 , 并不代表OpenRice之观点。)
张贴
