安柏娃泰國燒烤菜館 (油麻地)

营业中

休息中

外賣自取，先講香茅豬扒飯，豬扒唔單止冇香茅，只係得洋蔥蒜頭，仲要又鹹又韌。另外嗌咗個青咖喱雞飯，得嗰兩片豬柳，其他全部都係菜，啲菜仲要係黄嘅，都唔知擺咗幾耐，碗咖喱又稀過水。最離譜係兩杯跟餐嘅青檸梳打都好難飲。成個餐完全冇可取之處，好難食！

安柏娃泰國燒烤菜館地址：柴灣小西灣富景商場地下外賣自取格仔餅 ＄16.00雞扒、炒蛋、生菜、飯＄32.00總計：$48家之味的格仔餅脆內熱、好厚、好大塊，雞扒好大塊、好脆、炒蛋好滑、生菜好林、飯好軟熟，又抵食又平、好值得我介紹比大家試吓，千祈吾好錯過，食過番尋味，有好多食物供客人選擇

今次第二次係呢度叫外賣午餐呢個價食到泰國野算係幾值得外賣叫左辣牛肉河粉，包野飲，有特式飲品，但我叫左凍奶茶不過都等得幾耐，等成15分鍾，此終即時製作都要等既份量足夠，不過個河粉辣左D店內好細其實坐位唔多

今日去油麻地睇醫生🩺,睇到差唔多⌚1點,有d肚餓,行到油麻地文明里有間安柏娃正宗泰國菜館,於是入去試下,入面有位🧒男店員好殷勤招呼,仲介紹幾款美食給我,好Nice 👍🏻我叫咗菠蘿炒飯🍍,海南雞飯🐓,炸蝦餅🦐,2個椰青水🥥,價值相當低食,又唔貴價😊仲有泰國廚師🧑‍🍳用心烹調菠蘿炒飯🍍菠蘿炒飯好足料,裡面有好大隻青口,仲有好爽嘅蝦🦐,有提子…份量十足好正宗👍🏻👍🏻👍🏻好好味😋😋😋大家可以不妨一試😄海南鷄飯🐓好香鷄味👍🏻👍🏻👍🏻肉質嫩滑🤩超正!⭐⭐⭐⭐⭐中意食海南鷄飯朋友一定要試下😍😍😍炸蝦飯🦐嘩嘩嘩😍!炸蝦餅熱辣辣香噴噴!仲炸到金黃色😊😊,好大隻🤩一啖咬落去仲脆卜卜好正👍🏻👍🏻👍🏻爽口彈牙!配埋泰式醬料好好味⭐⭐⭐⭐⭐!快d黎試下啦!椰青水🥥椰青水好清甜,好香椰子味🥥仲食埋入面d椰子肉超正⭐⭐⭐⭐⭐

平時經開文明里都會黎買外賣鳳爪同蝦片，今日黎食堂食下午茶，下午茶選擇多，有粉麵、飯咁，我叫左牛肉湯粉絲、另加串燒：1. 牛肉湯粉絲牛肉熟過龍、好鞋，湯好咸，太多東菜，成碗除左咸，食唔出泰國嘅感覺，仲要$50一碗其實有諗過叫侍應換，但見佢好惡咁鬧緊第二個買外賣嘅客人⋯ 我都唔敢出聲默默忍受食埋佢算⋯2. 串燒配沙嗲醬 - 牛肉、豬肉肉質厚、唔老，好有口感、好香，沙嗲醬亦好好味，好食我極度唔推介呢度嘅粉麵，如果大家黎食，我會推介串燒、鳳爪蝦片。

安柏娃泰國菜館Lunch心血來潮想食海南雞飯撞正lunch time見到呢個鋪頭唔算好多人 就入去試下海南雞飯 連飲品 $53(凍飲唔洗加錢)雞嘅份量夠大份 又夠滑唔係雞脾都好滑醬汁都係好傳統泰式海南雞汁 好味美中不足 飯嘅油香唔算好重餐牌上寫青檸水 但原來係青檸soda 加分👍🏻👍🏻10分入面都有7分以上 因為性價比係扺嘅 雞有加好多分

去咗試試 店舖位置都好方便 係地鐵油麻地C出口平時成日路過 但唔太起眼 試完感覺到佢哋出品幾有誠意⭐️芒果糯米飯 $45👍🏻用咗呂宋芒 今日芒果當造香甜唔酸👍🏻糯米飯微暖 好軟熟 表面有椰汁 椰肉片👍🏻整體椰味同甜味平衡 （想多汁可問問店員）堂食 糯米飯造型係一隻象 幾特別同行朋友 一致認為 幾高分鍾意芒果糯米飯嘅朋友 可以一試.除此之外仲試咗⭐️串燒 👍🏻烤到表面有少少金黃 趁熱食一流有兩隻醬汁 幾鐘意佢地既秘製沙嗲醬好似加咗少少咖哩 有花生粒 沙嗲味好出⭐️冬陰功湯河 都好出色主要湯底 飲得 香料味突出 重香茅 檸檬香👍🏻椰汁黑涼粉冰 好飲 👎🏻泰式凍奶茶 茶味奶味比較淡 甜味一般（飲慣咗泰式奶茶 爆重茶味 同爆甜）.#hkfunfoodrecord窮遊香港#hkfunfoodrecord_油麻地.#安柏娃泰國燒烤菜館 (油麻地) (油麻地)地址：油麻地文明里2號地下.⭐️評分：味道：4/5 環境：3/5 地方細 但整潔 冷氣舒服服務：3.5/5抵食：3.5/5

油麻地週末都超多人，超難搵位。走到比較隱蔽的呢間餐廳，相對少人店面係俱東南亞特色的裝修， 亦有泰皇相叫左泰式金邊粉，直頭同泰國街頭食既一樣！甜甜酸酸，好開胃。份量超大，食一半都已經好飽。隨餐叫左青檸蘇打， 都係甜甜酸酸，一流！

響附近掃街，見到間泰式串燒店，搞到都有少少餓，所以就買兩串試下。叫左雞腎同墨魚丸，雞腎都幾大粒，有口感、爽口同香口！墨丸都偏大粒，雖然唔係超彈牙，但係烤到表面少少金黃色，以呢個價位黎講兩樣都算抵食。另外有mustard sauce 辣醬同脆香雞亦醬備用，下次經過會再食！溫馨提示，企定定食埋先走會好D ，而家響街搵個垃圾筒掉竹簽都好難！

有次行過剛剛有D肚餓，聞到串燒香，買咗串最穩陣既雞肉串食。一食之下，不得了，所以一定要再食，而且要試埋其他。餐廳位於地鐵站一出約半分鐘路程，係街上轉角位，一邊堂食入口，另一邊外賣串燒品種唔多，一串串放係門口俾客人揀，收到order即叫即燒今日叫咗雞肉、雞腎同豬肉有三款醬料俾客人，但唔會令我三心兩意，我依然最喜歡沙爹點沙爹醬大約等咗十分鐘，香噴噴既串燒就到手，雞肉同上次食既一樣好軟，火喉剛剛好，即使返到屋企凍咗少少都無損質感，豬肉同雞腎都一樣好味，更加想讚既係豬肉同雞腎都咬咗6,7啖先食得晒，份量真係好足夠。

有時想不到吃什麼的時候，總會想起泰國菜，剛巧父母二人都喜歡吃泰國菜，所以我們便到此用膳。串燒雞腎; 串燒雞肉一向串燒都是我們至愛之一，不過這兩款串燒都淡而無味，又不夠香口，實在令人失望不已!泰式炸蝦餅相反泰式炸蝦餅炸得非常可口，又十分彈牙，加上蝦味濃郁，實在令我們吃過不停!海南雞母親大人一向都是海南雞的粉絲，所以我們點了半只海南雞飯來享用。海南雞早已被拆骨，所以吃上去特別方便。而肉質又相當嫩滑，不過肉香味比較淡，所以感覺有點失色!泰式炒雜菜雜菜炒得香口之餘，又清甜可口，還充滿蒜香味，味道不錯!香芒牛柳芒果相當香甜，不過牛柳的肉香味不夠濃郁，加上整道菜又炒得不夠香囗，又是一碟令人失望的菜色!雖然這裏的泰式炸蝦餅和泰式炒雜菜都做得相當出色，但其餘的菜式都令人相當失望，相信我們再次光顧這餐廳的機會不大!

突然好想食芒果糯米飯，喺附近睇戲所以過來試下佢嘅芒果糯米飯。糯米飯係熱的，味道一般，基本上就係一糰無調味的糯米飯。椰漿好似好濃，但其實冇咩椰子味😂 芒果好甜，比平時切的細粒，食嘅時候方便好多。值得一讚係加咗roasted coconut，食落去脆卜卜，係幾特別的食法由於份量唔算大，食完唔夠喉，決定叫串泰式燒雞腎食！不嬲都有幫襯開佢嘅外賣串燒，即叫即燒即食，蘸埋沙嗲醬同泰式串燒汁就最正。點知堂食反而差啲，今次冇平時咁熱，而家啲醬都要自己去拎，下次都係叫返外賣算

呢日男朋友同個兄弟去油麻地嗰邊行街食飯~我自己一個喺屋企等佢返來~為左令佢出左街都記得我,我叫左佢返來嗰陣要買芒果糯米飯畀我做宵夜~油麻地C出口一出就會見到呢間小小的泰國菜~最初拍拖時, 男朋友周不時都買呢個來接我收工所以除左好食外, 食的更係一份甜蜜的回憶~ HAHA~芒果糯米飯 ($42)我覺得平時坊間D芒果糯米飯都幾參差的,不論係價$同味道都係~$20都可以有交易.. 但可以係勁難食..貴起上來我見過$60.. 好唔好食我唔知,因為貴到我唔會買來食但呢間, $42, 價錢合理, 而且味道唔錯~芒果我以前食開係半隻芒果界左花咁,但今次買, 係切左粒的~芒果好甜~ 要甜先好食嫁嘛!另外, 佢個椰漿飯上面仲會有D烤過嘅椰絲條。呢個係我未試過喺其他地方嘅芒果糯米飯見過的~係花左心思嘅地方, 欣賞!烤過嘅椰絲條, 咬落會有少少"索索"聲,好有咬口, 仲好香椰子味!令成個糯米飯多左一層層次, 一種美味

今日行開油麻地, 有幾間海南雞飯店, 見到呢一間唔駛排隊又未食過就去試下啦. 要左兩個午餐set, 海南雞飯份量唔算多, 一個女仔食完都係仲有少少餓, 而且個汁同其他既海南雞飯唔同, 期待既醬汁變左做酸辣汁同甜豉油  因為唔係太食得慣酸甜汁點海南雞, 所以最後都無用到個醬. 而另一個set lunch 係黃咖哩石班飯, 魚塊有炸過, 個汁亦好香咖哩味, 但同樣地份量亦唔算多. 最後見到有炭燒豬頸肉就要左一點試下啦, 唔係話太油膩但調味唔係話太濃, 所以要靠醬汁去吊一吊個味. 價錢方面都算係平民, 而且唔駛等位, 快lunch 之選.  

幾款串燒比我想像中有質素 我揀左雞腎 牛 雞亦炒通菜 一流 好夠味道 最有驚喜係個椰青 我飲過唔少泰國食店既椰青呢到既椰青又大又清甜 我認為價錢又唔算貴喎 所以有驚喜 絕對要大力推介