町町丼丼 (香港工業中心A座)

营业中

休息中

知道呢间外卖店系唔同地方都有分店，难得佢系荔枝角都开，当然要试试佢！落单后大概等15分钟，就趁呢个时间去旁边嘅餐厅买饮品～餐牌可以选择主食后再加钱配小食，滑蛋吉列鳗鱼丼，未试过鳗鱼用吉列方式食，平时嘅浦烧鳗鱼都有好多汁，所以用吉列方式都有啲淋咗嘅感觉，唔够脆身，加埋滑蛋虽然整体丰富咗，但口感就差小小。汁烧鳗鱼丼，鳗鱼嘅另一选择，呢个有好多鳗鱼，性价比好高～推介！小食方面，拣咗芝麻鸡翼同唐扬炸鸡配黑椒蛋黄酱。芝麻鸡翼大只，外脆内软，好香口～唐扬炸鸡，炸粉唔厚，够juicy，配埋个蛋黄酱好邪恶，而且仲啖啖肉添！