新明發食家 (已結業)

大埔短短一条广福里，已经有5间卖蒸饭，选择多的是，但识拣一定拣新明发，由80年代初只得寥寥可数食肆，直到发展到现在几步一间茶记、面包店、粉面店，依家屹立不倒，当然有佢嘅取胜之处。说实话，新明发由细到大我都只会买外卖回家，堂食，免了，真心觉得内里环境唔理想，地面总觉得油淋淋我贯彻眼不见为干净新明发盅头饭有几款，但每次总系要排骨饭加自家制粉果。盅头饭，水份唔会过盛，饭粒分明，已经嬴了一半。排骨唔会太嚡口，豉油亦唔会过咸，再叫埋姐姐比D辣椒油，一绝。粉果同一般酒楼潮州粉果略有分别，唔会有厚厚粉皮，馅料亦都唔会有粒粒沙葛同花生，反而系丝状又有虾米，每次买饭必配。烧卖亦都有咬口，唔系散修修，唔比方间酒楼差。