新明發食家 (已結業)

大埔短短一條廣福里，已經有5間賣蒸飯，選擇多的是，但識揀一定揀新明發，由80年代初只得寥寥可數食肆，直到發展到現在幾步一間茶記、麵包店、粉麵店，依家屹立不倒，當然有佢嘅取勝之處。說實話，新明發由細到大我都只會買外賣回家，堂食，免了，真心覺得內里環境唔理想，地面總覺得油淋淋我貫徹眼不見為乾淨新明發盅頭飯有幾款，但每次總係要排骨飯加自家制粉果。盅頭飯，水份唔會過盛，飯粒分明，已經嬴了一半。排骨唔會太嚡口，豉油亦唔會過咸，再叫埋姐姐比D辣椒油，一絕。粉果同一般酒樓潮州粉果略有分別，唔會有厚厚粉皮，餡料亦都唔會有粒粒沙葛同花生，反而係絲狀又有蝦米，每次買飯必配。燒賣亦都有咬口，唔係散修修，唔比方間酒樓差。

同肥仔去大埔 聞說呢間既盅頭飯好古色古香好好食 所以有見及此入去大埔行街順便朝聖 入到去...... 地板痴笠笠既😅感覺唔ok 張枱又係笠 就算d樓面姐姐話抹左 我都要求可唔可以再抹呀唔該 但當個姐姐拎佢條毛巾出黎 omg😅真係有夠污濁 算啦 我都係自己用濕紙巾再抹 我同自己講 嗯 快食就走 我地叫左個馳名既鳳爪排骨盅頭飯 同 燒賣 ，個盅飯暖暖地而唔係熱 食落口 嗯...... 唔好意思 我本人覺得係叫食得飽而唔係好食同咁叫好叫坐 我唔識欣賞 我樓下唐記仲好食過佢😅 燒賣都係好一般貨仔 Sorry 食一次就夠皮

之前在荃灣一早就知道有這一間點心店，但是一直都沒試，直到現在發現，原來大埔這邊這間非常之出名，結果終於一試。山竹牛肉的味道相當不錯，雖然不知道牛肉成份的多少，但是牛肉味道不錯，不會感到吃完之後有鞋口的感覺。鮮竹卷的味道也不錯，腐竹非常之大片而有咬口，比起外邊又林又軟的腐竹，這兒的餸好得多。而其實，點心店最簡單的鳳爪排骨飯，這兒也做得不錯，排骨份量不少，而且肉質不錯，夠爽口，排骨亦都不會太過乾太過手。另外，就是蒸飯的豉油，味鹹而帶甜味，配起飯上來，很容易便送完整盒飯。有次很有趣，吃點心之餘，發現點心盒子裏邊有一隻斷指，即是鳳爪斷了下來最尖端的位置，真有趣；另外就有吃過鵪𪂹蛋燒賣，底下的肉有點兒過熟，上邊就鵪𪂹蛋蒸蒸得比較乾。相比來說，好像普通的燒賣質素比鵪𪂹蛋燒賣好，因為普通燒賣肉質沒有那麼乾，鵪𪂹蛋燒賣，連同上邊的鵪鶉蛋，味道就會比較乾。這間點心舖的質素比起一般的店舖應該高度，而且吃點心在這間外賣店吃，不用加一服務費，還是相當不錯的選擇。

今日突然想重試童年美味，於是就去左大埔墟四里入面食「新明發」排骨飯🧡對比唐X或者唐包X，依間店係原忠蒸既排骨飯，好有以前茶樓既感覺（點心車呢～）😁我地仲叫左章魚肉餅飯，都唔錯，不過提提大家，落豉油係要小心份量呀，因為堂食既話可自己加豉油，小心落太多喔😃（鳯抓排骨飯$29 堂食，外賣$27）我地仲去左食燒賣，亦係傳統酒樓既豬肉燒賣，有蝦都係大粒既，正正常常不太特別喔💫餐廳座位略窄不過食物質素搭夠！

今次到大埔, 很想食排骨飯, 就選了這間…新明發, 一坐下便點了,鳳爪排骨飯 ,排骨飯,山竹牛肉球,凍奶茶一杯,點了的一到,便急不及待吃了,竟然忘記影相 ,吃到一半, 記起了 ,便立即影 ,你看!我的相 ,是將近吃完 ,真的太肚餓了, 今次的排骨 夠入味 ,不會蒸太久,真的還保持了水準 ,飯不會太硬 ,鳳爪也好味 ,山竹牛肉球不會放太多馬蹄 ,軟硬適中 有酒樓的水準 ,兩個人吃了個晚餐 ,才是80多元 ,比吃煲仔飯還化算 ,現在大多數的煲仔飯 ,質素都比較參差 ,沒有一定好吃的煲仔飯 ,一煲還會很貴 ,用一煲價錢 ,可買到兩個蒸飯 ,所以我會選擇蒸飯

新明發都算係大埔名店之一‼️由大埔墟鋪頭開完分店仲開埋去荃灣最出名就必定係佢地嘅蒸飯喇每日喺門口熱辣辣即刻蒸🔥🔥以前只係$1x一盒 依家賣到外賣$27堂食$29 不過食飯時間都仲係好多人買姐姐嘅服務一樣咁差 檯凳一樣咁污糟😅😅.最近一次食番都真係覺得退步咗👎🏻份量少咗 仲無哂啲配菜飯粒又無以前咁乾身 食落味道好普通🤷🏻‍♀️🤷🏻‍♀️雖然都仲係糧尾之選但就真係唔再係大埔名店質素喇😣😣.

排骨飯嘅靈魂 豉油 竟然唔落....乾淨淨，所有野都好一般，份量十分小，同街邊普通排骨飯一樣，我完全唔明白點解可以大排長龍... 呢間垃圾永不再食。 真是十分差勁....

是夜同老公由九龍翻大埔，途中不停唸食咩好🤔突然靈機一觸～想食排骨飯同點心！ 大埔區內排骨飯，一唸就唸左去新明發，雖然昌運嗰邊都有一間，但我到而家都唔知同唔同一個老闆🤷🏻‍♀️只覺得嗰邊無咁好食～所以就算呢間距離屋企遠d都會簡呢間。 我地2個入到去咁啱有枱撘唔洗等👍🏻叫了排骨飯、咸魚肉餅飲、燒賣同鮮竹卷～ 排骨夠入味，飯香軟綿綿(不過呢點好睇當時師傅落水多少，有試過食中比較硬的飯)；肉餅唔咸但飯就缺少了一種排骨的油香。 燒賣肥豬肉少，好味😋鮮竹券無蘿蔔無九王乎合個人喜好！而家蠔油不多不咸👍🏻 我地仲叫左個菜芯，$17價錢中規中矩，屬於一般灼菜無咩特別🤷🏻‍♀️ 簡簡單單埋單$105就KO左2個胃，有時食下呢d盎頭飯都唔錯，唔洗餐餐西餐意粉2人起跳200蚊🙂

周日大埔一天遊，去完林村河 、鐵路博物館 、文武二帝廟 、行下舊式街市，係時候吃個下午茶補充一下體力。大埔墟廣福里有好多食肆，今日試下新明發。舊式食肆一般都是比較擠迫，客人大都吃飽飽便匆忙地離開。這食店好多客人都點選點心和盅飯，我就想試下麵食，原來都是不錯的選擇。金牌魚蛋米 魚蛋和魚片都很爽口，有魚味，配上蔥花的香味，不錯呢！一碗只售$27👍🏻原汁牛腩粗麵 麵條很爽，牛腩入味 又有牛筋😋 腍腍滑滑，幾滿意🤗 部係$27 抵食

北姑雞冇北姑，個亞姐仲話系甘架啦，冇就冇。（個亞姐語氣好差甘講）我同老婆，立即o 咗嘴，之後問佢甘冇北姑，我系米可減比少d錢。佢之後就死死地氣找冬姑，又話找吾到，蒸緊。等左好耐，就留食完，終於攞出黎，放低碟比姑，仲講一句，唉，比你試下啦 ，（佢差一點講埋，你呢世未試過冬姑咩，比你試下）（ps: 佢個樣好不可一世）第一次打食評，未試過見過甘差既態度。&$¥##%£¥店主請留意除左食物質素外，員工專業態度都好重要，員工就是對客戶最近距離，如果有d 吾好態度既員工，佢會直接影響你既生意！

夏天，胃口不佳，夜晚吃吃沙律便行，入秋了到吃飯時間就餓著要吃，故經常上網找好吃的。轉工，遲些少會離開大埔，趁尚有點日子，密密找心儀的餐廳試試看。 放工一個人，原本想試試開飯主義，但滿座，問店員如果一位是否不用等，她轉身就忘記了我，再加上還有別的食客在等位，為免白等，就轉了吃新明發。店食客多，大家都是吃盅頭飯，我也叫了個豉汁排骨飯連，見份量少，再多加一個燒買。豉汁排骨飯加凍檸茶$36，其實個飯真係幾細，女仔食都唔夠飽要加個點心，男仔我諗要叫2個。 排骨非常入味肉質軟彈，肉有些肥肉連著口感佳，而肉味不濃，感覺調味有輕手加了增味劑，是典型香港茶記味道，白飯可能因為長時間放在蒸籠上飯很軟身，且微微滲了豉汁味，這飯很合口胃，是兒時味道，再加上天氣涼肚子餓，一下子就整碗吃光，吃畢，是滿足的，最少，對得起$27一盅的價錢。間或吃一次是很不錯的，可滿足到口腹需要。燒賣是豬肉函，$15有4粒，不過不失其實比起一般茶記盤頭飯，我會選擇吃這個排骨飯，因為味道的確不錯，若然下次路過一個人吃飯又找不到位子，都會再選擇這店，但不會專程來吃，因為始終心思思想試開飯主義。

不久前於朋友聚會閒談間，講開每逢到大埔都要打包一盅盅頭飯走，講到咁強，今晚路過此地，點都要試下 位於大埔老區，内裡是90年代茶餐廳格局，舖面不太大，大約可容納廿四、五人，整潔情況普通。街坊生意價格算平，所以長期店舖外都有條人龍仔買外賣。唔理咁多坐底即叫一盅鳳爪排骨飯 +一盅咸魚肉餅飯，亞姐超快地轉頭即送到。OMG失望到去一個點 蒸飯點解落水會咁多 超級爛飯 排骨超肥肉餅叫做正常少少唉！專做外賣個間x記包點仲好食

潮州粉果，廿年前雲妮介紹，喜歡到今時今日，不能替代，只吃新明發潮州粉果 ﹗晶螢的果皮，軟棉嚥韌又帶滑。不需要太多配料及香菜，無青蔥、無芹菜、無芫茜、無花生，粉葛跟肉鬆醃味非凡。餡料十足，肉香非常。將大量微辣勁香辣椒渣放在粉果之上，淋點豉油立即整個掉入口中。閉目慢慢細味，一粉果加一辣椒渣，真係人間極品，太美味喇 ﹗豉椒排骨飯，每次都被她擊倒，真係無得頂 ﹗淨係聞到飯香味、排骨香味已經流晒口水喇 ﹗自家調配既蒸飯，香氣十足，飯粒乾爽又嚥韌，份外好味道。排骨香甜味美，質感軟棉腍滑又醃得入味，豬肉味濃啖啖肉。再加上靈魂既甜豉油，不嗆不澀不咸不膩，越食越開胃，連食兩三碗都絕無問題呀 ﹗撈齊豉椒、排骨、香飯、豉油，大啖大啖地食，油香肉香飯香不停提升，無可挑剔的美食，超高質。其實街市林記都好食，但質數十分唔穩定，要講當日采數喇，但新明發每日都保持水準，正呀 ﹗

難得早起，出走大埔嘆一盅兩件，飽飽滿足。Lucky 碰巧有卡位坐，其實我一點也不肥，但卡位好窄呢，一齊來廷直腰板坐吧。幾十年街市林記頂級冠軍排骨飯一歇不振，質素十分不穩，時好時壞，唯一保持到的只是價錢，十幾蚊碗超級抵食。所以新明發已奪得大埔頂級排骨飯一哥地位，可喜可賀。蠔汁鮮竹卷，靜靜的到來，沒煙也沒聲。豪氣地整條入口，燙湯爆開！熱到燙嘴，好鬼正！菜肉卷一樣，雜菜加豬肉塞得滿滿，短少而大大碌。椰菜、木耳、甘筍爽甜，混上蠔汁濃濃的甜美肉鬆，最後捲上香口嚥韌腐竹，美味！連食三條，舔舔嘴。乾蒸燒賣，樸實不肥膩，實淨豬肉香噴噴，啖啖肉滲出清甜肉汁，質地濕潤帶彈，迅間消滅始盡。破例地唔食招牌潮州粉果，餡多飽滿唔肥膩，最緊要我討厭的青蔥、芫茜及芹菜，戴上大量辣椒渣惹味無比。下次先再食您，試下其他點心先。豉椒排骨飯，飯香幾條街遠遠都聞得到，絕對不會是一般飯香，多種米混合而成。多種質感與味道，每間好味蒸飯店都有自己秘傳方程式，只用一種米係無可能煮出頂級靚飯呢。長長飯粒乾爽而飽滿，嚥韌而味道可口非凡。不過有朋友愛吃濕飯腍飯，所以不喜歡呢。可能係全港最好食既排骨飯，不過匙羹有濃烈而霸道的漂白水味！唯有倒落

星期六和蛋蛋的無聊大埔遊肚餓唔知可以搵啲咩食，上OpenRice 搵見到呢間較多好評的茶餐廳（其實我地兩個係好鐘意茶餐廳）叫左牛腩河，鳳爪排骨飯，凍檸茶同凍檸蜜（嚟茶餐廳一定會叫凍檸茶，鐘意試啲茶餐廳既茶底）牛腩河 好淡味個排骨飯好食排骨同鳳爪個味同出面啲酒樓真係好似 最鐘意食呢陣味（有啲似細個同爸爸媽媽去酒樓食盅頭飯個個味，但依家唔係間間酒樓都有盅頭飯食）凍檸茶個茶底我唔鐘意 好淡味....$72兩位連凍飲價錢好抵 我捻呢到點心同蒸飯應該會更出色下次有機會再試下