新星海鮮酒家 (已結業)

新裝後首次到新星，主要是為了取月餅。但看見人家在吃流沙包時，忍不住買了回家食下1盒外賣有6粒，38蚊，平均6蚊多少少一粒，抵就當然唔算好抵，因為老麥啲包8蚊都買得到，不過講好唔好味，新星既流沙包都真係香港數一數二，在香港真係好受歡迎，所以貴少少都值得既。門口帶位同事一路都好好笑容，拎月餅都好快手，不過買流沙包就耐左少少，我都等左成5分鐘至有，我又唔係要你蒸，要唔要咁耐啊 不過帶位姐姐都好好人，係咁叮囑我要隔水蒸至好味，唔好放入微波爐......返到屋企一路睇波一路蒸包食， 勁正！！ d 流沙好香，好有甜品feel，而且個包皮亦好軟綿綿，口感勁好，而流沙真係流得好勁，搣開少少包皮用來點啲流沙食真係一流既享受！不過最估唔到既係自己蒸都可以蒸到現場食咁好味！