鼎爺私房菜 (已結業)

冬至就快到喇，又系同家人一齐开心聚会餐嘅时候。除咗出街食饭，好多家庭都会选择自己煮或者叫外卖到会。其实我觉得外卖盘菜都系一个好好嘅选择，一锅里面有好多款菜式，一家人围埋一齐食就最开心。「新春手工盘菜」里面全部都系鼎爷出品嘅高质菜式。比较特别嘅有花胶酿云吞、龙穿凤凰翼、潮汕海虾枣及肉蓉酿海参。其他菜式例如原只鲜鲍鱼、阿爷靓猪腩、茄汁大虎虾等都好吸引呢。成个盘菜总共有18款菜式咁多㗎。▫️花胶酿云吞 - 把云吞馅（猪肉、虾同埋蔬菜)放入花胶上面然后再用韭菜花包扎好先拎去蒸。最考功夫嘅应该系要将花胶及云吞馅料扎好，令到花胶唔散开。 当盘菜翻热嘅时候可以按个人口感而决定几时食花胶。想口感腍啲同埋味道浓厚嘅话就要滚耐啲先食喇。▫️潮汕海虾枣 - 制法系采用半煎炸方式，就算将盘菜翻热，里面嘅虾枣唔会因为吸入上汤汁而变得油腻，滑溜感依然保持住呢。▫️肉蓉酿海参 - 呢个手工菜系将墨鱼滑加入蔬菜及香料打成胶后再酿入海参。海参够晒爽口味道又有层次感。咁多款菜式真系讲唔晒，以上嘅系我特别钟意食嘅菜式咋。💰价钱：团圆价$2888/原价$3288（六位用）虽然定价系比起其他地方高咗啲，不过呢个盘菜用上矜贵食材同埋非