川辣仔烤魚雞煲

营业中

休息中

喜欢食鸡煲既我，之前同朋友在屋企附近食过一次之后，又发现原来马鞍山仲有另一间可以鸡煲打边炉，但基于宜家无得晚市堂食，就唯有买个外卖鸡煲，然后自己买其他嘢打边炉！呢间铺位于村屋里面，都近马铁站唔会难揾，鸡煲有辣和唔辣，由于预埋小朋友食所以拣咗唔辣的「酱香鸡锅」，半只鸡$168价钱合理，即叫即整，都唔使等好耐，就pack好盒比我！佢知道我会打边炉仲送埋兜汤比我用，非常贴心！店员叫我回到家倒落锅煮多2分钟，我相信系为咗避免煮熟哂d鸡之后等到食𠮶下就over咗，跟指引做果然无错，d鸡刚刚好，而且酱香味真系超香呀！半只鸡的份量都不少，还有洋葱、蒜头、芫荽等配料，味道好够，所以食完啲鸡即刻到埋个汤底落嚟，就可以打边炉啦，十分方便！个汤底白白地色，估计系猪骨汤。