川辣仔烤魚雞煲

营业中

休息中

今次同大家講嘅，係一間我剛去試過嘅餐廳，個名我兜唔起，但間餐廳弄嘅鍋物我嘗過之後真係覺得要同大家分享吓。腦海中仲記得佢哋嘅「滑雞肥腸鍋」，辣度揀咗小辣㗎，食落去剛剛好，唔會辣過頭，但又能夠令我喊出豪情，正啦！雞肉超級入味，拎上手咬落去時傻左傻右嘅，啖啖肉嗰種感覺真係過癮！肥腸呢，我就更加讚，清潔得嚟超級無敵滑，食落真係無一啲腥味，嘴巴裡邊全係鮮味。🤩最後，落咗啲鍋底，加咗些小料，那個湯吖，滋味噴香，流連舌尖。即刻整得好似打邊爐咁溫馨嘅感覺，喺屋企都可以過到夜。寒冬裡頭，呢個真係滿足到我個貪吃嘅小宇宙呀！❤️😋🏠總之我嘅總評係：好食又抵食，冬天必備良方！落次一定要再去整碗嚟犒賞下自己！

講真，今次去呢間茶餐廳，感覺真係好之得㗎！一入門口，就聞到陣陣咖啡香，飄曬成間店，經已嘴饞到不得了。起頭揀咗杯絲襪奶茶，啱啱好既濃郁奶味，啖啖香滑，真心唔講大話，啜一啜心情都跟住好曬！再來份鹹檸七，酸酸地帶點微辣，一飲過癮，解膩得嚟又提神，口感完美攪拌。最正既一定係個豬扒包啦，豬扒煎得外脆內嫩，仲加埋特製醬汁，每啖都滲住肉汁，噴香咬落去真係痴口，咁香咁滑，還有青瓜脆脆哋，清新解膩，真係食到停唔到口！然後嗰個牛油豬柳蛋治，人稱「肥而不膩」，鬆軟嘅包同厚切豬柳蛋，滿滿既牛油味，攞命相擁，流心蛋黄沙沙流出，每一啖都夠哂份量。總括來講，今次食得好滿足，成個飯局輕鬆又開心，真係正到彈！每樣嘢食都做得入味得嚟又有新意，下次一定會再嚟，搵班Friend開心share下！🥪🍋☕

馬鞍山出晒名係美食沙漠 近年來好多連鎖餐廳都入馬鞍山插旗 但係 都一樣meet唔甩沙漠呢名號而大水坑便是這沙漠中的綠洲泰國嘢 茶座 糖水 出品都好優秀講起食烤魚雞煲 首選一定係大水坑間川辣仔雞煲麻辣鮮香 好惹味 每次黎必嗌 仲要加多d芫茜先過癮 食完雞煲可以加湯打邊爐 打邊爐嘅配料都好多選擇 食材新鮮價錢合理最難得係不限時 三五知己 嗌隻凍啤邊食邊傾 輕鬆自在老細同店員服務一流 唯一美中不足就係客多檯少 最好提前預約#这家店回头客超多想吃你就来 #真材实料才能做出好味道 #同城好店推荐

今日同女朋女行街，無意中搵到呢間烤魚店，好食又足料，飲品好好飲並唔係平時飲開個啲死甜，老闆非常nice，二個人食飽到食唔哂甘制，埋單都只係500蚊有找，大件夾抵食！

12月首個最凍既一日梗係要去打邊爐暖下個身~好耐無番馬鞍山食飯既我聽到屋企人介紹呢間唔係開左好耐既小店，細細間但係都feel到黎得呢到食野既都係左鄰右里! 好彩有卜位，如果唔係就要等一陣啦!💙酸菜魚 $368好香酸菜味，好足料，啲魚片都夠曬大舊!老闆都有提醒我地啲魚可以一路滾住食，就算食到最尾都仲係甘滑~配料本身有啲大豆芽,木耳,水晶粉等等💙招牌肥腸 $58一見到招牌呢兩個字知道係必試啦!大大碟，拎黎打邊爐一流呀~肥腸清潔得好好，唔會有怪味，而且好爽口，擺耐小小時間連啲湯汁都吸埋真係超正!!💙萵荀 $48每次食酸菜魚萵荀呢個配料都係必點，因為可以試真啲個湯底咩料! 出色! 呢個萵荀又係大大碟而且好大塊!💙泡椒雞腳 $42其中一款涼拌小食，雖然佢話係泡椒，但係食落去又唔係好辣喎!馬鞍山呢啲小店其實都好出色架，有時間同屋企人黎試埋個雞煲同烤魚先!!!

疫情下，冇得堂食，又凍冰冰，今日試吓買雞煲外賣，由於我試過中午堂食，午餐都好好味，野食又夠熱，仲有湯送，仲好足料，所以決定買一隻雞煲嚟試下。老闆好好人，好積極地叫客人自攜自己個煲去買雞煲，可以慳返外賣盒，又可以環保啲，所以我自己都比佢說服咗，帶自己個煲去買。當我取外賣嘅時候，廚師係即叫即做，拎到返屋企個雞煲仲係熱辣辣，不停散發出香噴噴嘅雞煲味今次我地四個人食，份量好足夠，配菜都好足料，雞煲味夠香夠濃，我叫小辣，辣味啱啱好，一定會再幫襯

📍川辣仔烤魚雞煲📮馬鞍山大水坑南街85號地舖.呢間小店係一間位於馬鞍山大水坑村新開既火鍋店, 主打雞煲🐔烤魚🐟亦提供一般火鍋既湯底俾食客選擇.最近由於疫情關係無得出街打邊爐, 所以係週中放工回家沿途買個外賣雞煲, 返屋企烚下烚下🍲.滑雞肥腸鍋 小辣 半隻HKD168拎到返屋企倒啲雞件出黎仲係熱辣辣, 好快咁炒一炒興返起啲雞件就可以開始食🥢雞煲醬料濃郁, 花椒辣椒紫洋蔥等等配料齊全, 雖然只係叫左半隻雞, 份量都好足, 雞件嫩滑同有肉地, 味道亦好惹味😌最欣賞係雞煲本身配搭埋肥腸, 而呢度嘅肥腸處理得好乾淨, 無咩肥膏, 好味之餘食落都唔會太有罪惡感食完雞煲當然就要加湯打邊爐, 老闆好好人咁準備左兩大碗雞湯比我地, 非常體貼😙.我地另外準備左一啲match雞煲既火鍋配料, 包括鮑魚, 豆卜, 魚旦, 京蔥, 雲耳, 大豆芽, 冬瓜等等, 最後加埋個烏冬索晒啲雞煲醬汁可以話係毫無破綻😜.希望疫情快啲完結, 可以去呢間小店堂食打邊爐, 試埋佢嘅烤魚嘅質素😎.整體環境：👍🏻👍🏻👍🏻👍🏻食物味道：🤤🤤🤤🤤服務態度：🕺🏼🕺🏼🕺🏼🕺🏼物超所值：💰💰💰💰回頭基率：💨💨💨💨💨.#nonstopeatin

冇得出街食團年飯，呢幾日又凍凍地，諗住買個雞煲回家打邊爐。網上見到原來大水坑站附近村屋有間食烤魚雞煲，仲可以接受電話預訂落單，於是上星期訂定今天外賣自取，近近地支持下小店。餐廳裏面非常整潔乾淨，見到有好幾個街坊攜帶煲來外賣，原來店主一向支持環保，當然他也會提供收費外賣盒。做節就唔打算戒口，叫了滑雞肥腸鍋，份量足一隻，仲有不少芫荽、紫洋蔥，顏色非常靚，而且香噴噴；因為家中小朋友唔食辣，所以麻辣醬料分開裝。雖然汁底走辣，但都不失醬汁嘅惹味，小朋友食到舔舔脷，我和老公就加埋麻辣醬，大家都食到唔停口。雞肉入味嫩滑，腸洗得乾淨唔臭，餐廳仲俾咗一碗湯打邊爐用，自己買咗配菜。餐廳除了晚市，還會提供早餐及午市套餐。店主用心製作，從餐廳整潔度、食材新鮮乾淨、醃料入味、鼓勵顧客支持環保、盼望他能捱得過這個疫市政策。

川辣仔烤魚雞煲 (馬鞍山).又係外賣雞煲🤪無辦法啦無得堂食，男朋友住馬鞍山咁就fit可以去佢屋企食🥰老闆好好人勁有禮貌！.▪️滑雞肥腸鍋▪️.份量都幾多，有好多件肥腸而且最重要係夠乾淨！ 我好怕食啲腸入面好肥，有陣益味真係不了！( ･᷄ὢ･᷅ )雞件切得係比較細件，入面仲有好多椒類調味，老闆知道我地火鍋仲跟埋大大碗湯！.因為我地都好幾個人食，就額外再買左好多配粒，京葱娃娃菜腐皮枝竹豆卜等(⁎⁍̴̛ᴗ⁍̴̛⁎) 個汁好好味所以索埋都好正！住附近嘅人真係可以一試！.📌 川辣仔烤魚雞煲 (馬鞍山)馬鞍山大水坑南街85號地舖環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

晚市又開始禁堂食，每日收工又要傷腦筋諗去邊到買外賣，尤其身為美食沙漠居民，馬鞍山市中心一帶食肆每日都大排長龍，就連大型連鎖都人頭湧湧，真心等外賣都等到攰。最近大水坑朋友報料新開咗一間火鍋雞煲店，提供外賣自取之餘價錢經濟實惠，而且新開張幫襯既人唔算多，今晚就整返個雞煲試一試。雖然我唔係住大水坑，但其實係馬鐵站過去都算近。而今次第一次幫襯所以就Walk in過去，到達後由落單到取餐時間都只不過5分鐘左右，唔想等仲可以打定電話過去落單。等外賣期間順便都參觀埋鋪頭內部裝修，新開張環境都算光鮮企理，座位而４人卡位為主。而餐牌亦見到除咗雞煲之外亦有提供大量火鍋食材，等恢復晚市後再試下堂食先得。介紹之前講樣野俾大家知先，店主非常鼓勵自備器皿盛載雞鍋，因為所用到膠盤都非常之大都幾唔環保，第一次唔知道唯有接受，但下次我會有備而嚟。🌟　滑雞肥腸鍋　(半隻) $168今次點滑雞肥腸鍋小辣。首先香料配料非常豐富，洋蔥、芫茜、唐芹鋪滿哂，而雞件份量亦都相當多，可見店舖所選用嘅滑雞都相當大隻。首先醬汁非常惹味，濃而不咸，花椒及辣椒等香料味道出眾，而且醬汁以雞煲嚟講絕對唔油膩。而雞件入口相當嫩滑，唔會處理得太熟而影

疫症期間夜晚又冇得去食飯，一向我好鍾意食雞煲，朋友同我講大水坑呢一間雞煲唔錯，早兩日我就叫老公放工去叫外賣，店員即叫即整，相當用心，我哋叫咗個小辣嘅麻辣雞煲，雖然係半隻，但係份量都好多，我哋兩公婆都食都好飽，另外仲有墨魚滑，應該係自己新鮮手打，味道唔錯，黑柏葉，同埋炸魚皮，外賣仲有九折，會再幫襯。聽朋友講如果烤魚都唔錯，下次我又要再買，馬鞍山區其實都有好多好嘢食，感覺店員好細心，小店經營，良心之作！支持！

.大水坑❣️雞煲外賣晚上六點後禁堂食，又有咩好怕喎😎連出名美食沙漠既馬鞍山都有非常出色既外賣選擇！心血來潮想食啲辣野，凍冰冰又岩哂打邊爐，仲唔係雞煲🤪餐廳係正大水坑村最當眼既位置，見到停車場望入村就會見到川辣仔🌶既蹤影！六點後禁堂食，見到老闆貼哂一張張外賣係牆到，相信大家都發現左哩間雞煲外賣🤭唔好睇見老闆黑黑實實，其實好健談同貼心，會問你食辣既程度之外，如果擔心太辣/唔夠辣，會額外跟個雞煲醬比你返去再自己調辣度😍🔸肥腸辣雞煲（半隻）老闆介紹最主打既肥腸雞煲😎用上新鮮既肥腸，處理肥腸係非常考功夫！要洗得乾乾淨淨之餘仲要炒到入哂味，師父既功架果然唔可以睇少！主角…雞都好有要求，必定要用上龍崗雞🐥勝在肉質夠厚，啖啖都係肉！加埋香料、辣椒、蒜頭爆開同秘製雞煲醬👍🏻返到屋企一炒就香到全屋每一個角落都有雞煲味🥰老闆仲好貼心會問你之後會唔會用埋黎打邊爐，會既話就會跟埋個豬骨湯底比你！其他打邊爐配料因為禁堂食既原因就未必可以係川辣仔🌶一次過訂喇！溫馨提示🤍想試就預早打去訂，每日優質靚雞都限量發售，賣完就無嫁喇？P.S. 其他打邊爐配料都係係沙田街市額外買🤭好味指數：9.5/10川辣仔烤魚雞煲 馬鞍山大水

最近爆發第五波，晚市又禁堂食。天氣漸凍，叫外賣來到都涼左，好想食D熱辣辣嘢食。畀我搵到 呢間川辣仔， 佢哋主打烤魚雞煲 仲可以外賣。如果早啲同佢哋講仲有得借埋烤魚板，同辣雞煲用嘅大鐵煲。 今晚佢哋生意唔錯，我遲咗叫，冇曬大鐵煲借。外賣一啲都唔馬虎。 啲雞爆香曬配埋洋蔥芫茜 蒜頭同所有香料， 自己加熱即刻香噴噴。佢哋好細心。配埋上湯送俾你。食完個雞煲，衹要加湯就可以用嚟打邊爐。加自己鍾意食嘅麵呀菜呀牛肉呀咩都得。味道好惹味，簡單公仔麵都變上菜。忍吾住加支啤酒，very good!份量好多。兩人食吾哂。留起左一半，第日加又嚟加粉絲同大白菜(可惜冇豆卜)，又Ko一餐中午啦。佢哋另一主打係烤魚，不過師傅話兩個人應該食唔曬。一於試下團年飯叫番隻烤魚年年有餘。 今次要早啲落單同埋叫佢預留這個烤魚板畀我先。順便一提， 雖然佢就喺大水坑停車場側，不過個停車場好爆，排長龍等泊車。 如果呢就同佢哋早啲溝通 ， 攞我咪就唔使排隊泊車啦。

疫情搞到無得堂食，好慘夜晚無得出去食飯，突然好想食雞煲，諗起屋企附近新開左間雞煲火鍋，可以買返屋企整個雞煲加火鍋。叫左個小辣，雞煲份量足，醬料味濃好惹味，麻麻辣辣，味道有層次，雞肉嫩滑，本身好怕食到鞋身嘅雞肉又或者骨多肉少，但哩個雞煲舊舊都大大件，啖啖肉。外賣會連埋一碗豬骨湯，十分窩心，可以加湯打邊爐，味道香濃，加料落去都唔洗點豉油。另外加$9有兩罐啤酒, 加埋都係百幾蚊，價錢算抵食。 除左雞煲，仲有烤魚可以order, 有得食江團魚，啖啖肉，既然雞煲都咁靠得住，我諗烤魚都應該唔錯，下次可以再黎幫襯烤魚。

喜歡食雞煲既我，之前同朋友在屋企附近食過一次之後，又發現原來馬鞍山仲有另一間可以雞煲打邊爐，但基於宜家無得晚市堂食，就唯有買個外賣雞煲，然後自己買其他嘢打邊爐！呢間鋪位於村屋裡面，都近馬鐵站唔會難揾，雞煲有辣和唔辣，由於預埋小朋友食所以揀咗唔辣的「醬香雞鍋」，半隻雞$168價錢合理，即叫即整，都唔使等好耐，就pack好盒比我！佢知道我會打邊爐仲送埋兜湯比我用，非常貼心！店員叫我回到家倒落鍋煮多2分鐘，我相信係為咗避免煮熟哂d雞之後等到食嗰下就over咗，跟指引做果然無錯，d雞剛剛好，而且醬香味真係超香呀！半隻雞的份量都不少，還有洋蔥、蒜頭、芫荽等配料，味道好夠，所以食完啲雞即刻到埋個湯底落嚟，就可以打邊爐啦，十分方便！個湯底白白地色，估計係豬骨湯。