影片
更多
2022-10-17
565 浏览
"【英记面家】我写咗 post 两年几，其实都开始习惯咗将写嘢同出 post 融入喺自己嘅生活里面。满足感有时都会有嘅，例如捐窿捐罅揾到啲冇乜人介绍过，而又冇上过「宣传易」，但系又几好食嘅餐厅，经自己讲出嚟之后引起到共鸣咁。有见及此，我就愈去一啲大家可能比较少机会接触嘅餐厅，有时掂到一啲大家嘅童年或者读书时嘅回忆，我都会觉得几满足，起码系小众而非孤独。今次想讲一间喺英记面家餐厅，不过佢唔近港铁站。主食「特浓沙爹牛肉面」唔算好突出，沙嗲味冇佢吹到咁浓，个「丹麦吐司」亦都只系一块脆口啲嘅烘多士，冇特别。反而佢个「3.7牛乳炒滑蛋及火腿」可以话系灵魂所在，只蛋炒得非常好，外面啱啱熟而又包住啲蛋汁，正。个餐加埋杯正正常常嘅「热奶茶」，我觉得都算公道，唔算话平但系以只蛋嘅质素嚟讲都合理。不过咁样又点会满足到我，见到餐牌个「晚市精选」上面有几款「招牌菜」，我叫多一款嚟加吓𩠌都唔系好过份啫下话。我拣咗「子姜炸猪手」，配埋「例汤」几抵。猪手几正，起好晒骨切埋片，啖啖肉，脆卜卜，揩到啲子姜嘅话仲有啲姜味，估唔到几夹。原来仲有「白饭」，侍应醒目，唔上畀我住，问我要唔要。我冇要到。。。（地址：西环西营盘高街
有见及此，我就愈去一啲大家可能比较少机会接触嘅餐厅，有时掂到一啲大家嘅童年或者读书时嘅回忆，我都会觉得几满足，起码系小众而非孤独。今次想讲一间喺英记面家餐厅，不过佢唔近港铁站。
主食「特浓沙爹牛肉面」唔算好突出，沙嗲味冇佢吹到咁浓，个「丹麦吐司」亦都只系一块脆口啲嘅烘多士，冇特别。反而佢个「3.7牛乳炒滑蛋及火腿」可以话系灵魂所在，只蛋炒得非常好，外面啱啱熟而又包住啲蛋汁，正。
个餐加埋杯正正常常嘅「热奶茶」，我觉得都算公道，唔算话平但系以只蛋嘅质素嚟讲都合理。不过咁样又点会满足到我，见到餐牌个「晚市精选」上面有几款「招牌菜」，我叫多一款嚟加吓𩠌都唔系好过份啫下话。
我拣咗「子姜炸猪手」，配埋「例汤」几抵。猪手几正，起好晒骨切埋片，啖啖肉，脆卜卜，揩到啲子姜嘅话仲有啲姜味，估唔到几夹。原来仲有「白饭」，侍应醒目，唔上畀我住，问我要唔要。我冇要到。。。
（地址：西环西营盘高街32号地下）
张贴