影片
更多
2024-06-24
208 浏览
同朋友去太子花园街食晚饭，食到人地舖头关门都意犹未尽，当然去揾糖水食继续倾啦，我哋去咗比较多人嘅甜聚叫几款甜品share，共享滋味。芒果班戟 $48班戟上到枱，胀卜卜观感都赢咗！ 用叉𠝹开几件， 每𠝹一下，啲芒果都肥嘟嘟爆出嚟，食落去又甜又香，赞👍🏻榴梿椰汁仙草 $56问咗店员系榴梿肉定系榴梿雪糕，真系榴梿肉啊🤩 我自己钟意淋身湿少少嘅榴梿，呢几年果啲猫山皇 D24都唔系我杯茶， 呢个甜品榴梿肉十足，仙草凉凉哋沟返暖胃啲嘅榴梿肉，Perfecto!黄金战士 $65好耐冇食过依啲绵绵冰，佢有好多口味，例如朱古力，绿茶，椰汁就算连七彩嘅佢都有，夏日将至，当然拣当做嘅芒果啦，佢嘅芒果绵绵冰唔算太甜，入口即溶，有大大粒嘅芒果果肉同火龙果果肉，十分新鲜，另外仲有一点小方果，好有咬口，有点似野果。另外加了三粒芝麻汤圆，烟烟韧韧，芝麻香口，放落绵绵冰度食，增加口感。雪糕蓝莓奶冻 $45呢一个系店主推介嘅，佢话叫我哋留意，依个奶冻系用云呢拿籽做成，只得个滑字，仲有重重嘅云呢拿香味，加上蓝莓酱一起食，减轻平时只有牛奶香的单调感，另外配有自选味道嘅雪糕，我哋拣咗士多啤梨味，与蓝莓酱会夹一啲。依度坐得都算O
芒果班戟 $48
班戟上到枱，胀卜卜观感都赢咗！ 用叉𠝹开几件， 每𠝹一下，啲芒果都肥嘟嘟爆出嚟，食落去又甜又香，赞👍🏻
榴梿椰汁仙草 $56
问咗店员系榴梿肉定系榴梿雪糕，真系榴梿肉啊🤩 我自己钟意淋身湿少少嘅榴梿，呢几年果啲猫山皇 D24都唔系我杯茶， 呢个甜品榴梿肉十足，仙草凉凉哋沟返暖胃啲嘅榴梿肉，Perfecto!
黄金战士 $65
好耐冇食过依啲绵绵冰，佢有好多口味，例如朱古力，绿茶，椰汁就算连七彩嘅佢都有，夏日将至，当然拣当做嘅芒果啦，佢嘅芒果绵绵冰唔算太甜，入口即溶，有大大粒嘅芒果果肉同火龙果果肉，十分新鲜，另外仲有一点小方果，好有咬口，有点似野果。另外加了三粒芝麻汤圆，烟烟韧韧，芝麻香口，放落绵绵冰度食，增加口感。
雪糕蓝莓奶冻 $45
呢一个系店主推介嘅，佢话叫我哋留意，依个奶冻系用云呢拿籽做成，只得个滑字，仲有重重嘅云呢拿香味，加上蓝莓酱一起食，减轻平时只有牛奶香的单调感，另外配有自选味道嘅雪糕，我哋拣咗士多啤梨味，与蓝莓酱会夹一啲。
依度坐得都算OK ，唔会好似其他甜品店咁逼逼夹夹，下次响花园街食完嘢，都可以嚟到食返个甜品满足吓！
张贴
