Holy Crab Bar and Restaurant (已結業)

星期六约左班小学同学，大约8个去到兰桂芳呢间新开既餐厅食饭，由于我地有book台，所以唔洗等位。呢度地方好宽敞，餐厅播住音乐，坐得好舒服，呢度有两张大长枱，好适合一大班人黎聚会。食物质素都好好，我地叫左份Caesar Salad，Waiter 推住架车仔出黎系我地面前整，感觉好特别，份Salad d菜好Fresh。同埋仲食左鸡翼，d鸡翼可以选择辣既程度，我食的是少少辣，辣得黎又带甜，d鸡翼系炸完至淋上酸酸辣辣的汁，味道岩到好处。又食左咖哩蚬，d汁好浓好咖哩味，配上新鲜的蚬肉，另外仲配有几块面包，d面包焗得好脆，脆脆的面包配上香浓的咖哩汁好好味呀，如果有我至爱的印度烤饼黎点呢d汁，仲正。又食左龙虾、面包蟹、虎虾，每样海鲜都好新鲜，份量绝不小气，好大方。