影片
更多
2010-06-25
32 浏览
我之前介绍过唔少铜锣湾嘅日本食肆，但通常都系居酒屋或者刺身寿司，如果唔中意食生野嘅朋友，可能就唔太适合。不过今次黎到时代广场食通天嘅东京和食SUN，食嘅系卖相精致嘅日本菜，而且款式好多元化，相信较少食日本菜嘅朋友会有另一番感觉～！松叶蟹菠菜煲($68) - 份量虽然唔算多，但胜在汤底甜菠菜嫩，蟹肉亦够鲜味，掂！加埋有只靓鸡蛋比你混入去，单睇卖相都已经开始流口水...东京和食SUN名物绝对系呢度嘅釜饭，载饭嘅系一个充满日本古代风情嘅盛器，仲有一个搞GIMMICK嘅沙漏，沙漏嘅沙流完就可以打开个盖食得，呢个感觉真系唔错...烧牛肉玉子釜饭($68) - 牛肉咬落较干身，玉子亦有过熟感觉，味道不过不失，只系纯为饱肚的话勉强算合格。特选海产釜饭($108) - 鲜虾蟹肉蚬肉三文鱼海胆蟹籽样样有，正如名字一样用料极丰富，饭粒咬口唔错亦好入味，几正架～！广岛蚝芝士烧($56) - 一份四只热辣辣，蚝肉肉质肥美，芝士味相当浓郁，配合烧汁实在美味至极，推介！海胆烧卖($45/3只) - 用上点心蒸笼卖相似模似样，不过海胆味同猪肉烧卖本身味道格格不入，而且做得好松散，价钱亦略贵，实在有地雷嘅感觉，唔值得
松叶蟹菠菜煲($68) - 份量虽然唔算多，但胜在汤底甜菠菜嫩，蟹肉亦够鲜味，掂！加埋有只靓鸡蛋比你混入去，单睇卖相都已经开始流口水...
东京和食SUN名物绝对系呢度嘅釜饭，载饭嘅系一个充满日本古代风情嘅盛器，仲有一个搞GIMMICK嘅沙漏，沙漏嘅沙流完就可以打开个盖食得，呢个感觉真系唔错...烧牛肉玉子釜饭($68) - 牛肉咬落较干身，玉子亦有过熟感觉，味道不过不失，只系纯为饱肚的话勉强算合格。特选海产釜饭($108) - 鲜虾蟹肉蚬肉三文鱼海胆蟹籽样样有，正如名字一样用料极丰富，饭粒咬口唔错亦好入味，几正架～！
广岛蚝芝士烧($56) - 一份四只热辣辣，蚝肉肉质肥美，芝士味相当浓郁，配合烧汁实在美味至极，推介！
海胆烧卖($45/3只) - 用上点心蒸笼卖相似模似样，不过海胆味同猪肉烧卖本身味道格格不入，而且做得好松散，价钱亦略贵，实在有地雷嘅感觉，唔值得试...
盬烧油甘鱼鱼鲛($53) - 呢度嘅盬烧鱼鲛有油甘鱼同三文鱼任你选择，咁当然唔驶谂一定唔会叫三文鱼咁傻仔啦！鱼鲛烧得相当好味，外皮烧得香脆，内里肉质细嫩，而且鱼脂丰厚又有层次，连唔太爱食鱼嘅我都话好味，正！
海鲜蒸蛋($45) - 比起其他餐厅同类食品黎讲，呢家用料实在丰富，但最精彩始终系蒸蛋部份，实在滑到不得了，加埋冬菇嘅香味，海鲜嘅鲜味，配合得实在几完美，只系卖相上稍为差左少少，同埋唔明点解又有青豆出现？
吉列宫崎猪肉串($52) - 猪肉串炸得甘香松脆，外层炸粉亦唔太厚，水准中规中矩。不过可以用上黑豚肉嘅话，相信口感会更提升，而且肉味会更佳...
笼蒸海鳗寿司($38) - 鳗鱼配糯米饭系一个极精彩嘅组合，鳗鱼大大件，糯米饭粒极入味，而且个汁几香浓好味。一笼一件卖相非常靓，唔错～！
和风鲜茄芝士薄饼($48) - 薄饼份量好细，不过味道出奇精彩，芝士味极丰富，香味十足。完全估唔到一间日本餐厅可以烧出咁好味嘅薄饼，绝对系餐牌上嘅黑马份子～！
芒果蟹肉卷($60) - 芒果同蟹肉都好新鲜，前者更加系又甜又多汁，加埋牛油果同脆卜卜嘅蟹籽，真系有少少意料之外咁好味，中意食卷物嘅朋友唔好错过～！
盛冈冷面($58) - 盛冈冷面即系韩式冷面，呢种来自北韩嘅冷面特别系果种极富弹性面条，加上酸酸甜甜嘅汤汁，泡菜同水果，非常醒胃好味！或者未食过呢类冷面嘅朋友会好难想像泡菜西瓜冷面三样野一齐食系咩感觉，但试一次就真系包你爱上！
和风什锦煮($48) - 其实即系关东煮，材料虽然都系鸡蛋，萝卜，蒟蒻，竹轮果类...但小火炉卖相真系令我非常欣赏，感觉极有风味...或者大家会问炉上果个细樽到底系乜?其实果樽系浓度较高嘅面豉汤。而浸住食材嘅汤底本身系清淡嘅昆布汤，中意味道较浓嘅朋友可以加入面豉汤作调味，味道唔错架～
食到依家真系好满足好饱，但甜品就几饱都要食，唔系就唔完美。呢个自家制黑芝麻布甸($29)味道浓郁，口感幼滑，真系好食到不得了，分分钟好多甜品屋都未必做出咁嘅水准！
芒果布甸($28)卖相真系靓到匀，布甸上面芒果有好多片，而且相当香甜好味，不过布甸部份味道较淡，感觉一般。如果可以改善一下，肯定会再加多啲分数！
今次黎东京日和SUN一行八人，埋单千三蚊左右，以铜锣湾区来讲价钱上绝对唔算贵。服务质素我觉得都唔错，至于食物味道不过不失，整体上都算唔错。加上款式众多，而且部份都几有特色，值得大家黎逐样尝试！
张贴
