新明發食家 (川龍街) (已結業)

㖊日（11-8-2019 Sun）晏昼同老公落荃湾买嘢，买完食个晏，两个人都唔系太饿，行到嚟爸爸话好食，但咁耐以嚟，我都未食过嘅呢间。知道呢间嘢食平，就预咗环境唔会好好，入到去睇到，比心中谂嘅更差，其实都唔想坐低，但见有位就照坐啦。坐低后，店员自动拎两杯茶同已渌过嘅筷子胶匙，放喺枱喥。睇menu，原来唔系只做茶楼嘅点心，而系重有茶餐厅嘅三文治，饮品;又有云吞面，包罗万有。最后，老公要$27.00嘅𫠒鱼肉饼饭，加$10.00要红豆冰。我想要糯米卷但冇，咁要$11.00嘅马拉糕同$12.00嘅潮州粉粿。食物好快到嚟，亦热腾腾嘅，枱上亦放有咸，甜两只豉油，老公加好就食得。我就先食潮州粉粿，口感正常，味道淡，冇五香味，冇花生冇沙葛。味道:1分然后食马拉糕，大大件嘅唔太甜，OK。味道:3分之后老公俾啲饭我试，虽然我食唔正𫠒鱼粒，但松软嘅肉饼已经充满𫠒鱼味，有惊喜;饭粒软硬都适中啦。味道:5分最后系红豆冰，比例好似唔错，红豆大粒，但可惜唔够腍，成杯嘢唔太甜。味道:2分环境:除咗一入去感觉麻麻外，就系冷气唔多够。