焱丸水產 (已結業)

呢间餐厅系朋友带我嚟试，食到捧住个肚走，好满足。渔师 刺身盛合 $480 唔想烦嘅话，拣呢个盛合就有当日渔师拣嘅新鲜刺身食，不过如果上菜时可以介绍吓系咩刺身就好了，各种刺身一望都知好新鲜肥美，其中大拖罗同三文鱼肥美得嚟不失鱼香，抵赞。三文鱼中卷 $88 类似系加州卷上铺上三文鱼，味道清新，但感觉上有少少overpriced。野菜天妇罗 $70 有洋葱、菇、南瓜、蕃薯、秋葵，最钟意洋葱天妇罗，炸完内里仍然超juicy。海鲜炒饭 $78 都几足料，每啖饭都真系食到鲜味。焱丸蟹噌甲罗烧 $68 一路睇住店员帮手烧已经流哂口水，混和哂后啖啖都有浓味蟹膏，好creamy。帆立壳烧 $68 烧完后浇上海鲜汁，整体出嚟超鲜甜，个汁真系神carry。柳叶鱼 (5本) $45 第一次食柳叶鱼，如果钟意食鱼卵的话真系唔好错过，因为一咬落鱼身到就爆春，而且烧完出嚟有焦香味，落少少柠檬汁更正。芝士鱼旦 $35 其中我几钟意嘅一款，烧到熬辣辣之后，一咬开，中间夹心嘅芝士就流出嚟，芝味浓郁。梅干High Ball $58 食矶烧一定系饮酒，呢款酸酸哋解腻一流。苹果烧酌 $58 苹果味清甜易入口，好啱女仔饮。需加一