拉麵達人 (已結業)

朋友要到裕华买野，约左出黎食下野，记得之前食过拉面达人觉得个猪骨汤好正，朋友又系拉面控，一于就食佢啦。上次食过元祖嘅猪骨汤底叉烧拉面好正，推介朋友点呢款，汤底果然超浓，厚身但不过咸，入口顺滑，朋友饮哂成碗滑吖。自己点左黑蒜口味的，汤底同样浓浓的猪骨味，仲带有蒜香，饮完个咀唇会黏住 汤底好正呀。叉烧有数片，薄切，肥瘦适中，入口口感不错。有半只溏心蛋，蛋心绵滑，蛋味香浓，正。面身系白色幼面，没要求都系偏硬身，很对胃，而且挂汤能力不俗，每一口面都吸满浓汤，好食。追加了一客饺子，日式饺子皮薄，煎得香脆，点少少饺子醋已经好好味。拉面有好多款拣，仲有凉面，饭类等主食，小食除左饺子同炸鸡，仲有煎饼，小丸子，沙律等，真系劲多选择。现在有优惠叫一碗拉面加28蚊有碗饭，真系超抵㖞，唔怪得咁多人排队。