樓下冰室

营业中

休息中

今日黎到荃湾，发现左商场入面呢间高质港式餐厅，虽然系港式茶记，但胜在佢选择非常之丰富，花多眼乱。而且食物份量都多，价钱又唔贵，性价比非常之高！我地二个人各自叫左二款主菜同小食。潮州蚝仔肉碎泡米线：大大碗，米线熟度刚好，唔会太淋唔会太硬，蚝仔好足料，汤底鲜味唔会太咸。焗鲜茄猪扒饭加蛋：金黄色炒滑蛋，够香，又重蛋味。鲜茄汁好惹味捞饭食一流，炒饭粒粒金黄，猪扒大大块，而且个焗饭好大碟！西多士，炸到金黄色刚刚好，入面花生酱足料，难得晚士都仲有得点。葱油鸡：好食，够晒滑，鸡皮唔会太肥腻！配埋餐厅个自家制辣油一流，一定要试！