影片
更多
2018-06-27
52 浏览
将军澳开左好多新食肆，再唔系美食沙漠啦，依家有埋呢间高质火锅店，各位街坊有福啦！餐厅位于帝景湾商场1楼，将军澳站行过去约5-10分钟，尚算方便。我地劲早6点几去到，所以得几枱食客，我地可以坐到卡位。火锅店装潢简洁明亮，座位宽敞，仲有舒适卡位，无左传统火锅店既焗促感，值得一赞。另外抵赞位系餐厅嘅服务，由招呼客人坐低至介绍餐牌都非常细心贴心。餐厅主打即叫即制嘅火锅汤底，order左之后由店员即场于安置在枱上的铁锅炒熟材料再炮制汤底，满足食客嗅觉、视觉、听觉同味觉嘅享受。店家推介招牌家乡鸭煲、黄金鸡汤同辣鸡汤。而我地拣左黄金鸡汤。店家话佢地每日会亲自挑选食材，尢其海鲜，确保食材新鲜健康，而每日‘特别推介’都可能有所不同。客人如有要求特别食材，可以预早1日通知店家，店员尽力为客人揾到最好嘅！另外，除左金锅同串烧嘅食法之外，店家可以按客人要求将食材以小菜形式加工，收费详情就要问返店家啦。饮品方面，我地叫左薏米柚子冰$28同洛神花茶$28，饮品以灯泡型的容器盛载，别具心思，柚子冰酸酸地带微微涩味，好淸新，加上薏米增加口感，而且感觉好养生健康，另外洛神花茶酸酸甜甜好开胃，唔太甜，唔错👍🏻黄金鸡汤$1
餐厅位于帝景湾商场1楼，将军澳站行过去约5-10分钟，尚算方便。
我地劲早6点几去到，所以得几枱食客，我地可以坐到卡位。火锅店装潢简洁明亮，座位宽敞，仲有舒适卡位，无左传统火锅店既焗促感，值得一赞。
另外抵赞位系餐厅嘅服务，由招呼客人坐低至介绍餐牌都非常细心贴心。餐厅主打即叫即制嘅火锅汤底，order左之后由店员即场于安置在枱上的铁锅炒熟材料再炮制汤底，满足食客嗅觉、视觉、听觉同味觉嘅享受。店家推介招牌家乡鸭煲、黄金鸡汤同辣鸡汤。而我地拣左黄金鸡汤。
店家话佢地每日会亲自挑选食材，尢其海鲜，确保食材新鲜健康，而每日‘特别推介’都可能有所不同。客人如有要求特别食材，可以预早1日通知店家，店员尽力为客人揾到最好嘅！另外，除左金锅同串烧嘅食法之外，店家可以按客人要求将食材以小菜形式加工，收费详情就要问返店家啦。
饮品方面，我地叫左薏米柚子冰$28同洛神花茶$28，饮品以灯泡型的容器盛载，别具心思，柚子冰酸酸地带微微涩味，好淸新，加上薏米增加口感，而且感觉好养生健康，另外洛神花茶酸酸甜甜好开胃，唔太甜，唔错👍🏻
黄金鸡汤$188（半只）
落完order约10分钟，店员将黄金鸡汤材料凖备完善后，随即喺我地面前烹煮。店员有条理咁将姜同鸡件落镬炒，炒到咁上下加入淮山、虫草花同花胶再炒，最后加入上汤下盖煮至熟透入味。煮左约10-15分钟（我地冇计时🙈），店员帮我地揭开镬盖，镬内鸡汤随即香气四溢！店员建议我地先一啖饮汤再食汤料。汤如其名，真系金黄色架！个汤头真系劲甜劲浓郁，加左姜片可以辟除腥味同带出鲜味，鸡件嫩滑唔会老，有鸡肉鲜美，花胶大大块，唔算入味但够厚度同有咬口，淮山爽脆清新，整体非常出色！汤料食得七七八八就可以加汤打边炉啦！
手切本地雪花肥牛$298真系一定一定一定要试！肥牛雪花分布非常靓仔，新鲜有牛味，绝对高质！
韮菜饺$68，8粒大大粒好饱满，菜肉份量刚好，抵食！另外试左鲜腐竹$38，又系大大碟，似百叶豆腐咁，又滑又有豆香，吸收晒汤汁精华！
除左火锅，我地仲同时试左DIY串烧。店员将烧炉预热再送上食材俾我地自己烧，如果我地搞唔掂都可要求店员帮手。其实店家已预先处理好食材仲穿好晒，我地只需要放上去然后确保佢地冇㶶就可以！烧茄子大成功！充满蒜香仲好juicy! 海鲜咁新鲜点烧都好食！蛏子都系第一次咁烧黎食，烧到裙边脆脆地，中间爽口鲜味，正！
餐厅设有VIP房（坐到12-14人），毎位$688 （最少10位）就可以俾哂成间VIP房你用，岩晒包场睇波！（18:00-23:00）VIP房海鲜盛宴配一打啤酒！有火锅及烧烤架！
睇返餐厅leaflet原来朝早10:30-下午15:00有茶饮有点心食，点心由餐厅自家制！茶都有得饮，真系够晒多元化！🤤
张贴
