尚素 (已結業)

呢排食得肥腻野多，想食下斋清清肠胃，于是嚟咗观塘呢间尚素食斋。地方都几阔落，食物当然系食斋菜啦，我哋两个人叫咗三个𩠌、一碗饭，食得都好饱啊。牛肝菌芙蓉鲜竹：呢道菜个样成个葱油饼咁样。食落都系脆脆地，好香口，同葱油饼一样都系咁薄。要腐竹嚟整嘅薄饼我都系第一次食，食落又觉得唔错㖞！又有少少弹你咁样，加埋牛肝菌，都食得几滋味。竹笙榆耳腐皮卷：呢个腐皮卷有六大嚿，我觉得完全系三个人份量啦！腐皮卷煎得好香脆，里面全部都系香菇、榆耳、竹笙，好饱满㗎 ！几好！ 👍🏻