日常素食 (已結業)

平时多肉少菜，最近识咗一个素食嘅朋友，就约佢去黄大仙嘅一间素食自助餐食个晚餐，倾吓计。气氛环境都唔错，地方宽敞干净。食物种类亦都多样化，有寿司，沙律吧，炸物，糕点，炒饭炒面，亦都有非常多嘅热食𩠌菜等等。我好钟意食豆腐，亦都欣赏佢哋嘅炸豆腐，香口结实，但唔油腻。香浓嘅罗汉斋同咖喱薯仔，衬托炒饭一流。饮品同样多元化，今晚就试咗清凉香甜嘅杨枝甘露，同埋清热解毒嘅罗汉果茶。员工不断为蒸笼添加入面嘅甜品，试咗唔少养身嘅红枣糕，姜汁糕，桂花糕。最后以云呢拿雪糕配豆腐雪糕作结。我全晚都感觉唔到素食嘅单调，而我那一位素食朋友亦都好满意呢一个自助餐，认为食到一种开始素食之后得唔到嘅感觉。非常满足嘅一晚。