龍門冰室 (已結業)

系炮台山嘅电气道一向都系揾食点， 最近发现有间"龙门冰室" 㖞， 原来系新开第六分店， 晚餐有着落啦。 以怀旧磁砖装修设计， 舒适整洁。 望望餐牌都好多选择。 除咗晚餐之外， 仲有铁板餐， 芝士玉子烧， 中式西式， 应有尽有。 太耐无食过铁板喇， 所以叫咗一个 "牛仔骨拼炸虾炸带子跟薯菜", 另一个就 "什扒跟薯菜"。牛仔骨拼炸虾虾炸带子跟了龙虾汁。 一见到份量真系好多， 薯条足足放满成个铁板， 但感觉薯条未炸得通透， 牛仔骨不过不失。 但当想起动嘅时间发现点解得带子呢， 只炸虾去咗边呀。 问问服务员原来厨房搅错了， 好快就补返2只炸虾俾我喇， 服务员都唔好意思， 抵赞， 本身对炸带子无咩兴趣， 所以有返炸虾开心返。 而"什扒" 真系顾名思义~咩都有， 猪牛鸡， 大大件。 热辣辣铁板上枱， 朋友系食肉一族， 贬吓眼就食哂喇。 跟餐其实仲有餐汤同餐饮嘅， 红汤属于蔬菜清汤， 汤底好清但够味嘅， 蔬菜都唔系煲腍𠮶只。