傷心酸辣粉 (天瑞路) (已結業)

话说我间唔中都会去呢间食下酸辣粉，佢个汤底坚正，不过今次唔系食酸辣粉，迟啲翻兜先再讲～本身系想食酸辣粉既，但今次系比呢个set吸引左。一个前菜加两个小菜再加煲仔饭，仲有炖汤同饮品先系168...仲唔需要加一，呢个价钱真系好便宜。酸辣土豆丝，我第一次叫。估唔到佢个汁竟然同酸辣粉一模一样盐焗手撕鸡，虽然有啲鞋，但调味ok，比想像中好食。食左前面两样之后，等左劲耐先有煲仔饭食。。。我地叫牛蛙滑鸡煲仔饭，其实我都系第一次食牛蛙我觉得佢应该落翻啲姜葱好啲，因为而家有啲腥，另外鸡件ok既。但系你唔可以当佢系煲仔饭咁食，因为佢都唔系用砂煲，其实做唔到饭焦同埋啲饭够香口干身既感觉。当普通饭黎食既话都ok既。又系等左劲耐既金菇木耳肥牛煲，好多金菇不过肥牛有啲硬，但系汤底唔会太咸，清清地。点解汤放最后呢？因为店员唔记得左同埋佢地唔系好搞得清楚个set系咪又包汤又包饮品，但你餐牌写炖汤及饮品架嘛！不过炖汤竟然有惊喜，我都系第一次食羊肚菌虽然有啲咸，但系好多料。虽然cp值算好高，但我觉得佢可以比几个多啲菜既选择比人拣，咁就唔洗话全部都要叫肉食，会比较滞。