知粥嘗樂 (已結業)

依家啲舖头食物比较多元化，之前去过呢间知粥尝乐，而家都唔系净系食白粥油器咁简单，而家仲有好多砂锅粥,小炒及小菜。坐低叫咗叫砂锅及弟粥，用上砂锅嘅煮法，内脏嘅鲜甜味特别突出，成个粥入口又绵又滑，咁样煮嘅内脏特别爽脆。之后就叫咗另一碗艇仔拼肉丸，呢度啲粥可以有三拼，我拼上皮蛋及肉丸，咁食粥都唔使咁闷，食嚟食去𠮶几味，艇仔粥除咗正常牛肉碎鱿鱼花生，仲用了仲有少少鱼肚，所以食材比较矜贵，材料非常丰富。叫咗两个小菜一个系鲜鱿炒西兰花，鱿鱼弹牙，西兰花炒得爽脆清甜，上枱仲闻到好香镬气。鱼香茄子煲，材料好丰富，用上蒜蓉干葱粒豆瓣酱，入口味道充满咸香，加上肉碎，一定要配上几碗白饭。跟餐配埋冻柠茶，完全系粥粉面店同茶餐厅嘅合体，一班人帮衬完全吾使担心揾唔到自己想食嘅嘢！