蕃廚 (已結業)

深水埗买完game碟就顺路去西九食个午饭。西九8楼美食广场系我最钟意去嘅food court，一来价钱亲民，又多特色小食。今次就试咗呢间蕃厨。主要卖啲比较西式嘅食物，例如热狗，意粉，意式小食等。今次试咗热狗同虾多士。呢到即叫即整所以都要啲时间等。唔赶时间嘅我又点会介意，最紧要系食物上枱热辣辣。波隆纳肉酱热狗 （$38）份量都几大，料好足， 里面放咗好多块蕃茄片。咬落啖啖肉酱，味道重，够惹味。辣茄酱虾多士 （$30）虾多士有四大块，炸到脆一脆。劲多芝麻舖系面。里面有层薄薄嘅虾肉，真系食到有虾味。不过个辣酱就略为逊色。茄味唔浓淡淡的，辣辣的。我比较钟意唔加酱食。