影片
更多
2024-10-23
17675 浏览
打邊爐，最好…- 任食，唔使就住就住- 有靚牛、靚海鮮- 二百幾蚊搞得掂😂觀塘呢間牛站(駅)，就滿足到以上願望。之前食過已經覺得非常好，今次再嚟睇吓有冇驚喜。佢嘅火鍋放題分三價錢，今次是一個中間嘅“SRF極黑美國和牛片” set，平日$298一位。如果7:30pm前離座仲可以$258一位！湯底我哋揀咗龍蝦頭鍋併胡椒豬肚鍋(雙併+$48)。龍蝦頭鍋除咗龍蝦味，洋蔥味亦相當鮮甜。胡椒豬肚更加係出色，胡椒味非常重。SRF極黑美國和牛片 - 牛味好濃，同時有嚼口，但唔會好韌，用嚟打邊爐一流。其他種類嘅牛、豬、羊都有水準。特別要講吓醉雞，難得浸完湯都仲有非常重嘅醉雞味。海鮮 - 有沙白/海蝦/海參/花膠/帆立貝/墨魚，選擇豐富。當中海參同墨魚最出色，我哋叫咗好幾轉😅。其他配料方面，最特別嘅有，田雞腳😂😂，魔芋肚片、素毛肚，仲有鵪鶉蛋，呢啲都係其他地方比較少見，而且係相當好食。其實外面仲有好多嘢夾，例如麻辣小龍蝦，但根本食唔到咁多😅。嘢飲仲誇張，樽裝茶已經係基本，居然有鴨屎香檸檬茶。另外仲有珍珠奶茶，大量罐裝紙包飲品，冷熱都有。仲未夠？仲可以斟清酒梅酒，椰青汁等等，太誇張了。甜品當然都唔輸蝕，雪糕
- 任食，唔使就住就住
- 有靚牛、靚海鮮
- 二百幾蚊搞得掂😂
觀塘呢間牛站(駅)，就滿足到以上願望。之前食過已經覺得非常好，今次再嚟睇吓有冇驚喜。
佢嘅火鍋放題分三價錢，今次是一個中間嘅
“SRF極黑美國和牛片” set，平日$298一位。如果7:30pm前離座仲可以$258一位！
湯底我哋揀咗龍蝦頭鍋併胡椒豬肚鍋(雙併+$48)。龍蝦頭鍋除咗龍蝦味，洋蔥味亦相當鮮甜。胡椒豬肚更加係出色，胡椒味非常重。
SRF極黑美國和牛片 - 牛味好濃，同時有嚼口，但唔會好韌，用嚟打邊爐一流。
其他種類嘅牛、豬、羊都有水準。特別要講吓醉雞，難得浸完湯都仲有非常重嘅醉雞味。
海鮮 - 有沙白/海蝦/海參/花膠/帆立貝/墨魚，選擇豐富。當中海參同墨魚最出色，我哋叫咗好幾轉😅。
其他配料方面，最特別嘅有，田雞腳😂😂，魔芋肚片、素毛肚，仲有鵪鶉蛋，呢啲都係其他地方比較少見，而且係相當好食。其實外面仲有好多嘢夾，例如麻辣小龍蝦，但根本食唔到咁多😅。
嘢飲仲誇張，樽裝茶已經係基本，居然有鴨屎香檸檬茶。另外仲有珍珠奶茶，大量罐裝紙包飲品，冷熱都有。仲未夠？仲可以斟清酒梅酒，椰青汁等等，太誇張了。
甜品當然都唔輸蝕，雪糕機雪糕雪條Häagen-Dazs全部係基本嘢，特別有高貴嘅Ekselence 雪條同地道嘅藍鐵神雪條等等…甜品櫃？有一大個，但根本食唔到😂。
二百幾蚊嚟講，呢度係超乎預期。由於呢度太多嘢食，如果未嚟過嘅真係可以嚟多幾次，尤其佢啲食物款式、湯底都keep住轉，嚟多多次都唔會厭。
张贴
