瑞士咖啡室 (已結業)

成日lunchtime要念食咩都系头都大埋, 今日轮到午餐第二热门 – 瑞士咖啡室, 虽然成日要排队但系又好快可以有位坐。等左一阵, 佢安排门口张好似树干的大台比我地搭台, 但我地三个人好难倾计, 所以决定再等下, 好彩个安排座位的阿哥好好人, 好快又安排到张卡位比我地原本想叫瑞士常餐, 但觉得太饱, 所以决定叫茶餐, 感觉好搞笑, lunch time但可以叫茶餐。同事叫左沙嗲牛面，我就叫叉烧。叉烧都几瘦，唔会太肥，不过就无咩味。个多士我觉得比澳牛／华星差好远，首先牛油分布得唔均匀，然后牛油本身鲜味唔系好特出，多士烘得偏软，然后包本身甜味不足。但个omelet都几好，因为我偏爱炒熟蛋多过 soft boiled egg，熟蛋比较香口，食得多亦唔会觉得好漏。最后杯冻奶茶就有点失望，因为佢地ｄ热奶茶其实ok, 但冻奶茶就显得奶味不足, 茶同奶比例一般, 而且我要少冰,但系依然超多冰!不过午餐快食好ok, 系湾仔来讲算系比较出名的港式茶餐。