大自然素食

营业中

休息中

每逢每个月嘅初一十五呢啲日子，个心都忽然虔诚起来，上个礼拜就自己一个去咗荃湾呢间嘅大自然素食食斋。呢间餐厅系下午茶时间仲有半价添，但系只系餐牌上散叫𠮶啲先有半价，其他套餐就冇半价，不过咁样都好抵食呀。因为一个人去食嘅关系，所以叫嘅份量唔算好多，叫咗两件法式牛油果焗多士，同埋一碟烧汁露笋牛柳卷。先讲讲佢𠮶块法式牛油果焗多士，我觉得佢嘅料都算多，同埋多士一到咗就闻到好香，咬落去𠮶块多士度，好松软同埋唔会好腻。至于佢碟烧汁芦笋牛肉卷，个卖相都唔错，但系食落去就觉得个芦笋有少少凉左，去外面𠮶块「牛肉」，真系有一种牛嘅鲜味。今次先系食咗呢两碟斋先，下次可以再喺初一十五时，再去试试佢其他嘅斋菜。