海皇粥店 (東港城) (已結業)

今日妈咪唔系好舒服,我又放工放得晏,见佢唔系好开胃,所以带佢去食粥!食粥好自然就会谂起这里,因为这里的粥类比较多!打开餐牌除左粥外,都见到有好多额外选择,唔会只系得粥咁单调,妈咪选择左特餐,再加肠粉,我就试下新推出的银针粉!<皮蛋瘦肉粥> 闻起来有清清地的米香味,绵滑,细而不烂的粥,热辣辣咁食好暖胃!加入瘦肉,皮蛋,油炸鬼与葱花,让清淡的粥加返点味道!<咸肉粽> 糯米饱满有粘性,食起来烟烟韧韧有口感,但饀料只食到肥猪肉和咸蛋黄,猪肉实在太肥腻,令到周围都沾上猪油,所以我将唔想食的全部挑走,只剩下3分2可以食!<虾米肠> 肠粉应该热辣辣先好食,虽然未至于冻,但已经扣左分,幼滑的斋肠粉混上咸香虾米,再加葱花,芝麻和酱油,味道都算可以!<家乡银针粉> 银针粉圆碌碌,食落去韧韧地几弹牙,配上肉醉,菜甫,葱花和菇粒,虽然份量唔系好多,但清清地都几好食!整体来讲,粥的确系煮得唔差,新出的银针粉都几好,如果可以改善一下配粥小食的质素就更好!