譚仔雲南米線 (海趣坊)

营业中

休息中

海翠坊食店唔多，今日同母亲入来办事，顺便食个午饭。因为多年无食过谭仔，今日心血来潮食一食，睇下变成点。以前必叫的套餐，样样都有，唔驶谂食咩好，而且今次谂住两人分，所以叫套餐好点，相隔多年，都知缩水唔少，多年后也感到𩠌少了面少了。不过汤底几好，够味。以前多数食蒜泥白肉，今次则叫鸡翼，当食新野，感觉唔错，肉嫩，香口。如果早十几年前已经食谭仔就知，套餐无可能一人食晒（不过以前小弟是一人食清光），但记得以前食都知，一次比一次少份量，但价钱就一次比一次多。今次一食就更加少得可怜。其实通胀就人人都要接受，加价都无可厚非，但又加价同时减份量就有点过份。所以下次食谭仔，可能又十年八年后。