影片
更多
2015-09-23
4788 浏览
多年无帮衬又一栈，唔系因为佢质素问题，系因为夹唔啱时间地点所以无嚟，今次地理上配合到，于是就嚟食番餐，怀念一下𠮶份味道。『素鹅』〜喜欢它那种特别的腐皮，淡红色处貌，少少的烟烟靱靱，包著甘笋等馅料，感觉很清新，点上醋汁，加添了味道层次，几好的前菜。『上汤云耳翠肉瓜』〜 本身𠮶名就唔系好记得。Anyway, 呢个好清嘅素菜非常好，有杞子上汤煮入翠肉瓜及云耳，翠肉瓜云耳都十分爽口，还有我好喜爱的白果，好够淋，再加上白合，整个配搭很有营养。『水煮鱼』〜鱼几鲜甜，麻辣味不算太强，适中程度。喜欢它不会太油，至起码唔会𠮶面有成寸油𠮶种，辣椒葱香十分惹味，越食越想食，加上有入晒味嘅薯粉，烟烟靱靱，口感很好。『蜜汁火方』〜 呢个特别嘅菜式唔系间间都整得好味。又一栈算整得几好，汁𠮶种甜味好配合金华火腿嘅咸味，加上簿脆片再放入馒头片内，整个配搭非常适宜。『水饺』〜皮嘅厚度适中，猪肉唔肥，有淡淡麻油香味，而且非常够热，唔错。 唯一系我们6点30分入坐，8点就要交枱, 食个半钟好赶，想慢慢食都唔得，食都咁上下，想加多几𠮶𩠌又唔够时间。明白香港租金贵，食肆都有佢嘅难处，但系食晚饭真系唔想食得咁赶。
『素鹅』〜喜欢它那种特别的腐皮，淡红色处貌，少少的烟烟靱靱，包著甘笋等馅料，感觉很清新，点上醋汁，加添了味道层次，几好的前菜。
『上汤云耳翠肉瓜』〜 本身𠮶名就唔系好记得。Anyway, 呢个好清嘅素菜非常好，有杞子上汤煮入翠肉瓜及云耳，翠肉瓜云耳都十分爽口，还有我好喜爱的白果，好够淋，再加上白合，整个配搭很有营养。
『水煮鱼』〜鱼几鲜甜，麻辣味不算太强，适中程度。喜欢它不会太油，至起码唔会𠮶面有成寸油𠮶种，辣椒葱香十分惹味，越食越想食，加上有入晒味嘅薯粉，烟烟靱靱，口感很好。
『蜜汁火方』〜 呢个特别嘅菜式唔系间间都整得好味。又一栈算整得几好，汁𠮶种甜味好配合金华火腿嘅咸味，加上簿脆片再放入馒头片内，整个配搭非常适宜。
『水饺』〜皮嘅厚度适中，猪肉唔肥，有淡淡麻油香味，而且非常够热，唔错。
唯一系我们6点30分入坐，8点就要交枱, 食个半钟好赶，想慢慢食都唔得，食都咁上下，想加多几𠮶𩠌又唔够时间。明白香港租金贵，食肆都有佢嘅难处，但系食晚饭真系唔想食得咁赶。
张贴
