又一棧 (已結業)

通常屋企唔煮飯就會黎呢間食，近排又黎過幾次覺得都唔錯！次次未到7點都好多人等位，質素應該還可以！menu款式唔算多，但係每款都想試下，個紅米炒飯比想像中好食，黃魚唔太大份兩個人食剛好

又一棧在九龍塘站上蓋又一城。一向人好多。晚餐限時一個半小時。沒人等位就不會叫你走。如果不是就朋友应不会選Festival walk, 太多人用餐。點了個2人套養幫朋友慶生。拉皮和素腐方比期待好吃。素腐方入味，拉皮很爽口小黄鱼外脆內軟，沒有魚腥味炒蝦仁普通貨色湯則料足(螺頭雞腳瘦肉)但一點燉湯感覺也沒有。我本人喜歡那無錫骨因為很入味。但朋友觉有點硬。楊枝金露的柚子芒果都有點少。我不喜歡雪糕讓整個太奶了。。二人七百大元其實可以有其他更好選擇。但明顯不会在又一城。

同朋友短聚， 揀咗又一城嘅又一棧。由於冇book枱嘅關係，我哋只能坐一個鐘多少少，就要喺八點鐘之前交枱。時間唔多所以都只係食點心為主，結果除咗炸醬麵之外，其餘幾樣菜式都幾滿意。四川成都蒜泥白肉（$80）：一碟都有幾多塊，個醬汁辣辣地，白肉夾住青瓜同蒜泥一齊食，開胃好味。上海鮮肉鍋貼（$60）：一客有六隻咁多，隻隻都有肉汁，有夠飽肚，趁熱食最好食。成都紅油抄手（$50）：呢樣都係有六隻，同樣個醬汁都幾好食，雲吞就冇鍋貼咁大隻，咁仲好，可以作為一個輕盈啲嘅點心。北京六必居炸醬麵（$52）：呢個就麻麻哋喇，首先可能因為我哋食得慢啦，食第二碗嘅時候已經凍哂，但就算食緊第一碗，我都覺得冇乜特別，個面本身係偏粗少少嘅，有麻醬、醋同炸醬比你撈，但冇話特別好味咁樣，普普通通啦。蔥爆牛肉（$98）：呢個都係一般，如果要講，我就覺得啲京蔥比牛肉好食，甜甜地又夠脆，牛肉就落得太多鬆肉粉，過淋了。綜合叫左5樣嘢食，都係點心好啲。

又到中餐時間！今次約左舊同事去「又一棧」。夜晚七點幾鐘無人等緊位，所以服務員即刻幫我地三個人安排就座。我地都極度肚餓，所以叫咗唔少野食。以下同大家介紹先：1. 花雕醉雞通常前菜我都「無雞不歡」...今次上菜我真係嚇左一跳，點解可以得咁少件雞？！真係同大家喺幅相見到得咁多... 食落去味道OK既，只不過唔係好抵食咁咯。2. 清炒菇菇小棠菜本身想叫豆苗，最後都係決定試新野。普通normal咯呢道菜。無咩特別驚喜...3. 蔥爆牛肉肉食反而有驚喜。牛肉好惹味，但又唔會好油膩。食多幾塊都唔使驚！4. 小籠包 （一客六隻）聽朋友講，呢度既點心都幾好食。當然小籠包就屬於必點之選啦。大家都可以試下...5. 嫩雞煨麵麵食唔錯，都幾足料！6. 乾扁四季豆四季豆炒得好惹味，出街食飯點可以無佢份呀！此外我地仲叫咗「醬爆里脊絲」。隨菜會送四塊單餅，等你可以放啲料落夾餅食。都幾有北方味道... 服務都算唔錯，不過同其他美心中菜廳比，呢度就唔算話好抵（用埋信用卡優惠之後計）。試一次都OK夠架啦！

平時都小去又一城的，今日屋企做了一個小裝修，和牛脷嫂都攰到攤攤腰，諗住搵間舒舒服服的餐廳坐坐，就誤打誤撞訂左又一棧。一去到，見到幾張位枱吉左喺度，而知客姐姐又帶我地去左張4人圓枱坐，就問可唔可以轉去卡位坐呀？點知...原來已訂滿哂！噢，同牛脷嫂講，下次我地都要訂位講明先，不過大前提係下次會再來的話，因為仲未試食嘛，唔確定下次一定嚟架，心諗....不過坐圓枱都OK，幾寬敞。點菜先，由於好肚餓，一叫就叫左好幾樣，本來想叫鱔糊，點知當日無貨，改左叫豆酥魚，仲失望，因為呢個麻麻地，魚唔夠滑，豆酥味太濃，完全搶左魚的鮮味，可惜...或者我食唔慣啦。 好彩呢味唔係第一度上，否則成餐肯定大打折扣。第一度上的是米莧鮮魚羹，好正，鮮魚同菜切得夠細，一個例牌有4碗，最緊要夠熱，加少少胡椒粉，鮮味極佳。跟住上嘅係馬蘭頭豆干，莫名嘅喜歡馬蘭頭，一見到呢個菜，實會點，唔通因為佢切碎哂上？懶咬，哈，唔係掛，主係菜粒加豆干粒好夾，而今次呢個馬蘭頭仲加入左松子，奇喎，又幾好食，不過次次叫馬蘭頭都有個缺點，就係太細個，唔夠食也，或者咁先令人回味啦。和菜戴帽，一個純粹因為個名同幅相吸引牛脷嫂而叫，你話餐牌上嘅相幾重要呢，

去完澳門食得太多星期一晚就來點蔬菜吧先來個：楊柳青青萵苣絲（$98）即係清炒油麥菜莖可能淨食關係感覺有少許油北平鍋鎉豆腐（$80）豆腐都幾滑不過上菜時已經唔係太熱而且淋左蝦子獻所以外皮變得淋左下次都係叫熱氣嘢好味同香口d魚湯桂魚片燴雲耳（$168）清清地之選不過我地冇叫白飯就咁食都有d鹹應該撈飯會好d天津花素蒸餃（$45）5隻熱辣辣上檯我真係好鍾意食新鮮熱辣的點心因為冇肉的關係好清爽又夠飽肚無錫灌湯小籠包（$54）6隻都係熱辣辣上檯咬一口都流汁唯一挑剔係個肉餡好似調味咁重咁整體水準還好不過食食下都飽想食全素結果又有叫肉同魚距離200磅肥c9的警戒線愈來愈近了

久違了的又一棧！裝修雅致，有卡位，坐得舒適，服務員態度有善。最喜歡是他們的餐具，非常精緻，睇見都開心，以一般酒樓來說，保養算不錯。今次三個人的晚飯，點了-蜜汁方塊、雲吞雞湯、松子魚、蒸銀絲卷甜品-杏仁露、楊枝甘露、桂花紅蘋果一家人或三五好友，聚會好選擇，因為細枱比較多。而且環境尚算零靜。價錢尚屬合理，特別是甜品，價錢大約三十元一份，雙對於一些甜品店還要便宜。細枱多數不接受訂位，一般六點鐘去比較容易有位。

我們覺得新都城沒有特別好吃的食肆，選這間餐廳因為覺得它裝修很新很光猛，擺放在店外的相片很吸引，便選了在這裏吃午餐。雖然招待只是普普通通，但好處是客人不多，可以讓我們傾談整個下午。滑蛋鰻魚飯雖然鰻魚不是燒得很香，但滑蛋是半熟的，加上沙律菜和蕃茄，還算是不錯的選擇。义燒豬骨拉麵賣相不錯而且份量很足，朋友説溏心蛋和湯底都做得不錯，但拉麵不是很彈牙，吃拉麵始終都是應該去拉麵專門店。芝士雞扒蕃茄麵我以為是一塊溶了的芝土放在蕃茄麵上，但竟然只是在麵上灑上芝士粉，而且雞扒好像是白烚的很難吃，是今餐最失望的主食。綠茶蕨餅很濃的綠茶味，蕨餅質地煙韌，附上黑糖槳，讓客人可以自己調較甜度，是整餐飯最喜愛的菜式。杏仁豆腐杏仁豆腐賣相雖然有點奇怪，但配上綠茶雪糕、黃桃和軟綿綿的紅豆就變成很好味的甜品了。

今晚重返又一棧晚饍，我們叫了二人套餐及一些其他菜式。重點是套餐中的燉湯竟然完全沒有番熱便拿上枱，炒飯又沒有加任何調味，連小朋友也說沒有味，而炸小黃魚竟然是淋的。他們的水準大跌，令人失望！

上湯豆苗 - 分量都幾足，味道就係一般既上湯豆苗，無乜話好唔好食。d菜唔老囉。雪菜肉絲湯麵 - 我只可以話 d湯好淡，雖然 d湯睇落好深色，其實好淡。同上湯豆苗 d湯頭差好多。杭州燴雞 - 同個餐牌幅相有出入，餐牌上面睇落係乾身 d, 但上到枱好明顯唔係。之於味道，佢好似台灣滷肉飯 d滷肉味，同埋隻雞好稔。水煮魚 - 辣度唔夠，只係食到少少麻味。都 okay既。窩貼 - d皮都幾薄 裡面 d餡都ok juicy.

星期三的晚上都要等位大約半小時2人光顧叫了風沙雞半隻，水煮魚，鍋貼同擔擔麵風沙雞外皮燒得酥脆加上炸蒜粒吃起來很香口然後到水煮魚份量頗大魚片很滑而且無骨墊底的粉皮同疑似萵苣絲很清爽當然我覺得正宗是因為夠多辣油吃起來很惹味越吃越辣很過癮！擔擔麵不推介因為個湯底很淡沒有花生香（亦沒心機拍照）鍋貼純粹為飽肚不過都多汁兼煎得香脆！

又一棧整個歺廳的員工是一個＂寸＂字。態度像是看不起你。 點完菜的時侯，経理會問要不要一個蟹粉小籠包，但態度不是客氣的，而是沒有笑容，掀起一邊嘴角，輕挑地説看你是吃不起的了。去過很多5星級酒樓歺廳，也沒有他們般囂張。有時比較高級的站在一堆談話，有客人在就讓那些普通侍應點菜，侍應有困難時叫他們幫忙，他們就示意叫他們繼續, 侍應硬著頭皮去做, 結果都寫錯了 。 門口的女知客縂是黑口黑面。有一次女知客跟一位女員工, 她們望見我站在她們前面, 竟然繼續談話 ，當我透明, 如果因為太忙可以原諒, 但當時只有我們3個，我站了3、4分鐘就一氣之下走了。 這麼囂張的知客真是百年難得一見。 縂而然之，這間歺廳, 完全沒有管理制度可言，員工都＂無皇管＂。講到食物，這裡的生煎包是比較好吃的了。 啊，記得試過叫一些鮮搾果汁，當你很客氣地要求不要加冰，她們會哦番你一輪來教訓你，很低層次。又一城樓上還有八月花，同是美心集團, 這個月再去發覚服務態度進步了很多，員工有笑容有主動招呼，對客人的要求認真對待及有及時跟進,有問必答，食物的種類又不時更新，経理也非常積極，最近這一款棗蓉馬拉糕是我很喜愛的。 以往経常陪伴我年長

從前因一道黃金蝦而愛上又一棧，今日也因這道黃金蝦而決定不會再來。今天點了四樣菜：小籠包、蘿蔔絲酥餅、黃金蝦及咕嚕肉，最家常便飯的菜式。小籠包還可；蘿蔔絲酥餅普通；兩味菜上枱時都不夠熱。食完以上兩碟，咕嚕肉才上，我請侍應快點送上黃金蝦，因不想一碟一碟菜食。最後，還是等了半小時，黃金蝦才到。咕嚕肉的肉有點梅，強行用調味掩蓋。黃金蝦的蝦無味，粉厚，根本不值我再來。整頓飯唯一讚賞的，只有前菜。

餐廳位於又一城內，屬美心集團旗下的外省菜食府，亦是其中一間我較為喜愛的中菜。地理位置優越，裝潢格局高貴典雅。<王府鮮蟹肉燴魚翅>一大梭的魚翅夠足秤，晶瑩爽滑，加上已拆了骨的蟹肉，帶出整個翅湯濃鮮的味道。<北京填鴨>店員先把原隻烤鴨給客人過目後再到旁邊即席片鴨。鴨皮香脆，脂肪不多，肉味豐腴。<北京大紅袍松鼠桂花魚>桂花魚原條炸起，賣相一流，香脆可口，脆得甚至連魚骨也差點可吞下。蘸點酸甜醬汁加倍惹味。<浙江高郵黃金蝦球>蝦球新鮮彈牙，每一隻都被流沙咸蛋黃牢牢的包裹著，用來拌飯最適合不過。

是日到又一城閒逛，想到八月花，但門口站滿人，要等差不多30個號碼。又一棧不用等位，是吃上海菜點心，跟侍應說2位，侍應說12時入座，要1時交枱，馬上安排入座。入場全場坐滿客人。時間不多，快快點菜，2人點了:High tea 點心-$108--最上層的炸物，不知名字，香脆，饀料有蝦，好吃。中層不知是甚麼，食完有很油，最低層的是芉角，細細件，味道一般。羊肉搶湯麵-$52，羊肉很多，麵份量也不少，味道不錯，但個人不喜歡上海粗炒類麵人質，較硬。小籠包-忘了價錢，皮不太薄，內有肉汁，味道不錯，但小籠包還是覺得台灣鼎泰豐的最好吃。埋單$288，用了一張$50美心現金卷，$233結賬。食物環境尚自算不錯，差不多時間，侍應已主動結賬，是日自已還有其他節目，就用短時間草草用餐算了，如不，想三五知己坐久一點談天說地，也許要另選其他地方。