影片
更多
2020-09-09
1163 浏览
话说学生年代(十年前...)第一次食重庆凉面就系帮衬「津津好好味」(旧舖：津津-好金の味)，从此我就爱上咗。不过当时佢仲系喺砵兰街旧舖，佢好犀利地由专做外卖，变到近年搬咗去长沙湾道有得堂食嘅舖位👍。搞笑嘅系每次经过舖头，佢出面都系放满咗啲装住发泡胶餐盒嘅纸箱😅，绝无例外。我间唔使都会自己去帮衬，买外卖番Office食。但呢日就决定带埋个钟意食辣嘅同事去试下😝。无论新舖定旧舖都好，佢永远都系有咁多人帮衬，堂食同外卖订单均源源不绝🥡。小店卖嘅食物款式好少😳，基本上就系云呑仔、凉面同酸辣粉。不过咁都好，集中卖几样招牌菜好过样样都卖，但又无样精！大凉面($20)，我大大话话应该食过起码廿次，我敢讲佢多年嚟仍然能保持一贯高水准🍜。首先，份量真系多，因为系拌面、无汤，所以成大碗装住满满嘅面。今次嘅面条好爽身、弹牙，可能因为系新鲜整起，放得唔耐，好食！重庆凉面有得拣辣度，我哋要咗小辣🌶，所以食起上嚟只辣的确系相当皮毛。反而食到尾觉得酸味更出，但唔系咸酸菜𠮶种。啲汁同芽菜集中喺底，所以建议要捞匀先食。喺夏天食佢，真系有消暑嘅作用☀️。大云呑($32)，小店有得拣大云呑或者小云呑，但唔好误会佢系讲云吞Si
搞笑嘅系每次经过舖头，佢出面都系放满咗啲装住发泡胶餐盒嘅纸箱😅，绝无例外。
我间唔使都会自己去帮衬，买外卖番Office食。但呢日就决定带埋个钟意食辣嘅同事去试下😝。无论新舖定旧舖都好，佢永远都系有咁多人帮衬，堂食同外卖订单均源源不绝🥡。
小店卖嘅食物款式好少😳，基本上就系云呑仔、凉面同酸辣粉。不过咁都好，集中卖几样招牌菜好过样样都卖，但又无样精！
凉面
$20
69 浏览
0 赞好
0 留言
重庆凉面有得拣辣度，我哋要咗小辣🌶，所以食起上嚟只辣的确系相当皮毛。反而食到尾觉得酸味更出，但唔系咸酸菜𠮶种。啲汁同芽菜集中喺底，所以建议要捞匀先食。喺夏天食佢，真系有消暑嘅作用☀️。
云呑
$32
46 浏览
0 赞好
0 留言
云吞
$32
35 浏览
0 赞好
0 留言
云呑系由小店自家制作，我谂大妈们包几多都卖得哂，因为真系好多人买。好多街坊会买生云吞返屋企自己再煮🏠。
豆浆
$7
50 浏览
0 赞好
0 留言
由于政府限制关系🚫，堂食座位须减少同埋要有足够距离。小店好守规矩，但又好唔识变通，因为只要佢加番块隔板，就可以坐多枱人。佢而家将原本可以坐9个人嘅位置，变成坐得2个人...。啲圆櫈无位放，搞到一地都系😂，成个阵咁，好好笑。
题外话，老板嘅服务态度愈来愈差，个个客入到去都比佢指点，又逼人哋落咗单先好坐低😩。大佬，你间铺有几大呀？个餐牌喺正入口走廊上方，企喺度睇又阻住人...。
总括嚟讲，食物质素仍然系高，价钱大众化！但唔知系咪因为食多咗同类型菜式，我又觉得味道再无以前𠮶种惊艳。另外，就算几好食都好，亦唔代表你可以串得起啰！开门做生意唔应该咁嘅态度🙏🏻。最后，如果堂食Share嘢食就未必太方便，我估佢未必畀多个兜你。
张贴
