天毅金燕窩莊

营业中

休息中

睇到佢个话梅蕃茄就好想试，一试不能回头，搞到唔中意食蕃茄嘅人都爱上食蕃茄，佢系冰镇嘅，两样配搭简直系绝配，佢蕃茄仔咬落去喺个口度爆汁，口感已经好得意，酸酸咸咸甜甜咁，我之后一经过应该会例点，另外佢个酒醉鲍鱼，酒同鲍鱼味嘅配搭令你唔识饱，啲味整得好有层次，口感爽靭又滑，然后就系佢个瑶柱鸡汤翅，百几蚊嚟讲都算合理，佢本身加$10有埋白饭，不过我唔食饭，所以冇加，味道就系翅汤嘅味，鱼翅料系原条一旧仔掉落去，都有4-5满匙仔嘅量，最后就系佢个木瓜雪蛤膏，雪蛤膏放到个木瓜中间满晒，有冻热拣，不过雪蛤膏嘅味单食就比较淡，一定要连埋木瓜啲肉一齐食就甜少少，食落就系原汁原味嘅感觉，清清甜甜，十分推介。不过佢夜晚比较多人，我见到坐满晒，晏昼反而唔使点等，一入去就有位，因为佢位唔多，所以大家请自行抽时间去试。