影片
更多
2024-12-16
786 浏览
上次经过, 见到旧时上海姥姥个位, 开咗呢间面店, 今日去试吓, 要排队。一坐低, 扫曲落单好正常, 不过佢要好似大陆咁, 落完单俾埋钱, 都冇问题, 不过... 净系收微讯同埋支付宝! Hello? 呢道唔系大陆呀! 唔系个个香港人有呢两样! 你有心想人用电子支付, 点解唔收埋Payme、Google Pay、Apple Pay、Samsung Pay呢? 学汇丰话斋, 呢D叫地方智慧呀! 后面个枱叫侍应埋去, 听到佢都系话冇呢两个支付工具, 侍应话可以俾现金。 咁我都只可以叫侍应落单, 即刻收埋钱, 点知埋嚟呢个系讲国语既! 突然间觉得好唔尊重地方智慧, 我特登唔同佢讲国语, 虽然佢态度比其他侍应好。 如果佢地做到好出位个间火锅店咁有诚意, 我尊重你👍, 不过呢间唔系。我叫咗酸菜牛肉面, 微辣, $49, 面量非常多, 细食或者唔够饿既话, 可能会食唔晒。面质唔错, 不过汤底似乎系高科技「材料」, 而唔系用骨用肉去煲出嚟, 亦都庆幸味道唔系太浓, 毕竟「材料」呢家野, 少食为佳。牛肉系得几块片得好薄既牛腱, 可以再林D, 肉味唔浓, 肉量难以同台湾牛肉面比较, 少得多! 辣度方面,
酸菜牛肉面
$49
181 浏览
0 赞好
0 留言
酸菜牛肉面
$49
206 浏览
0 赞好
0 留言
冻柠茶
$8
104 浏览
0 赞好
0 留言
加$8有野饮, 我叫咗冻柠茶。 堂饮都用外卖杯, 好浪费。 饮管系纸造, 冇匙羹、搅棍提供, 😒点笃柠檬呀? 打开杯盖一睇, 得一块柠檬, 再试饮一啖, 唉... 真系加咗「材料」! 未笃柠檬, 已经饮得出有一种好假既柠檬味😒, 呢杯系大陆式冻柠茶。🤦中伏!
碗面送到埋嚟, 系冇匙羹既, 柜桶入面都冇, 只有筷子。隔离枱咁啱想要碗仔, 咁啱有位讲广东话既侍应经过, 叫佢「出面自己攞!」 拿... garbage in, garbage out。 唔讲清楚「出面」即系边道, 隔离枱即刻㷫咗! 我跟埋出去揾匙羹, 点知都系冇! 另一位讲广东话既侍应经过, 我问佢边道有匙羹, 佢话「冇晒!」 唔好意思, 今镬连我都焫㷫埋! 迫我回敬返佢一句「冇匙羹点食呀?」 佢败走, 完全冇半点歉意。 心知自己理亏, 你无条件对我西面! 服务行业做到咁, 香港仲有咩希望? 返到埋位, 又有另一枱问侍应攞匙羹, 呢位讲广东话既侍应态度正常少少, 听到佢话冇晒匙羹。 呢D明显系管理上既失误。
可取之处: 面质爽滑, 饱肚又唔贵
进步空间: 唉... 一言难尽!
纸巾提供: 有
厕所状况: ***** (商场厕所)
温饱指数: *****
回味指数: *
翻兜指数: *
备注: 只收微讯支付 & 支付宝, 想俾现金要人手落单
张贴
