影片
更多
2022-07-26
108 浏览
火锅店真系越开越多，无论咩嘢天气季节都系甘多人食边炉，其中有一间任食边炉真系长期爆满，就系牛大人台湾火锅吃到饱啦！汤底今次叫咗醍醐蕃茄酸辣锅，可以少辣，好开胃又少少刺激，配鸭血同各款肉都唔错！澳洲极上和牛120分钟吃到饱套餐（$288）套餐包括每人两粒澳州和牛牛丸、自助火锅配料吧同肉类无限供应！有几款肉系呢个套餐专享嘅，包括手切封门柳、安格斯一口和牛粒、澳洲和牛M5牛肩卷，其他套餐嘅肉同配料都可以任拣，好啱钟意食多款肉类嘅朋友！套餐送嘅和牛丸好香好juicy，封门柳颜色会比其他牛肉深色，但肉味超浓又软腍，必点！M5牛肩卷油花丰富，入口即化！牛大人嘅浆类都几高质，个人最爱手打旗鱼浆，完全唔腥，老人家同小朋友都食到，鲜美弹牙，而期间限定章鱼珍珠浆就有原粒章鱼，更有咬口！所有套餐嘅海鲜都系任食，沙白、虾都算大只，另外鲈鱼好鲜嫩又少细骨，啱晒我呢啲钟意食鱼片又怕去鱼骨嘅懒人！饺类方面，有特别嘅台式虾饺、蛋饺、扁食等等，其中瓜仔鸡水饺嘅馅料类似梅菜猪肉，甜甜咸咸几惹味！自助火锅配料仲有多款蔬菜、丸、粉面，其中鲜淮山同芋头贡丸都好正，必试！如果平时打边炉食公子面、乌冬太多开始厌，呢度仲有少见嘅台湾
汤底今次叫咗醍醐蕃茄酸辣锅，可以少辣，好开胃又少少刺激，配鸭血同各款肉都唔错！
澳洲极上和牛120分钟吃到饱套餐（$288）套餐包括每人两粒澳州和牛牛丸、自助火锅配料吧同肉类无限供应！有几款肉系呢个套餐专享嘅，包括手切封门柳、安格斯一口和牛粒、澳洲和牛M5牛肩卷，其他套餐嘅肉同配料都可以任拣，好啱钟意食多款肉类嘅朋友！套餐送嘅和牛丸好香好juicy，封门柳颜色会比其他牛肉深色，但肉味超浓又软腍，必点！M5牛肩卷油花丰富，入口即化！
手切封门柳
4 浏览
0 赞好
0 留言
牛大人嘅浆类都几高质，个人最爱手打旗鱼浆，完全唔腥，老人家同小朋友都食到，鲜美弹牙，而期间限定章鱼珍珠浆就有原粒章鱼，更有咬口！
所有套餐嘅海鲜都系任食，沙白、虾都算大只，另外鲈鱼好鲜嫩又少细骨，啱晒我呢啲钟意食鱼片又怕去鱼骨嘅懒人！
饺类方面，有特别嘅台式虾饺、蛋饺、扁食等等，其中瓜仔鸡水饺嘅馅料类似梅菜猪肉，甜甜咸咸几惹味！
自助火锅配料仲有多款蔬菜、丸、粉面，其中鲜淮山同芋头贡丸都好正，必试！如果平时打边炉食公子面、乌冬太多开始厌，呢度仲有少见嘅台湾王子面同新竹米粉供应！
冰荷青桔梳打（$25）饮品方面，超推荐呢杯梳打，新鲜薄荷叶加上两粒青柠，清爽解腻！另外，自家制冷泡茶都好正，全部都系无糖版，饮多几啖都唔怕！
冰荷青桔梳打
0 浏览
0 赞好
0 留言
甜品就计人头数，可以拣Haagen-dazs雪糕或者台中仙草冻，仙草冻配料好丰富，仙草上面铺满红豆、花生、粉圆，再淋上花奶，真系好似台湾夜市嘅仙草冻，系完美嘅饭后甜品！
张贴
