漁屋日本料理 (海寶花園) (已結業)

伯父庆祝手术成功，话要吃得尽情，但又唔可以去得太远，所以近质哋去屋企附近食日式放题。其实每日行过都见到好多人，故此质素应该唔会差，但就记住要book定位去食。位置唔大，但入面环境好舒服。而且放题食物同饮品选择好多，有小食、刺身、寿司、熟食、雪条、茶、汤等等⋯⋯头盘点少得刺身，三文鱼十分厚，鱼油丰富；松叶蟹脚好鲜甜，啖啖肉。甜虾size吾细，好鲜甜爽口。螺肉嘅酱汁味道刚好，螺肉唔硬，口感一流！盐烧海虾十分爽口，肉质弹牙。雪糕系有最喜欢嘅蜜瓜雪条。