影片
更多
2024-06-04
101 浏览
呢到食物款式好多，又特别，令到有选择困难既我拣左好耐，同埋佢有唔多优惠，睇左好耐先拣到最想试既野食🙈🙈简单啲讲就系所有食物都系单点，但小食同埋饮品都有跟餐价会平啲；另外，佢有几款系一个价钱包3样食物，但饮品就要再加钱；又有得自选汤面，好欣赏佢地可以有咁多配搭俾人拣👍🏻3 COURSE DINNER招牌去骨海南鸡配黄姜饭 + 牙车快沙律 (柚子+手撕鸡) + 椒盐脆蛋鱼柳 ($92)鸡肉厚身多件😍 肉质滑身，唔会太油，黄姜饭比出面多左一份椰汁既香味，食落胃口大开！份量冇嘢好讲。一个字：超级多！👍🏻牙车快沙律同椒盐脆蛋鱼柳系同一碟上，手撕鸡沙律酸酸甜甜，可以自己落酸辣汁，我唔钟意太酸，令到成个沙律得返个酸味，所以我落咗好少，几啱我胃口，手撕鸡正常发挥🤘🏻鱼柳真系椒盐既味道，差啲唔记得自己食紧越南嘢😂 鱼柳浓味啲，同沙律嘅酸甜有对比，几特别嘅配搭👍🏻少少可惜系佢比海南鸡饭更迟上菜，冇得第一时间开胃先🙊镇店四鸟 (脆鸡皮+手撕鸡+滑鸡件+杏脆鸡) 配椰汁酸汤檬粉 ($88)一个价钱食到4款鸡，岩哂我呢啲眼阔肚窄既人！四款唔同嘅鸡都好有特色，鸡皮比薯片更加脆，但系又有一定嘅厚度同埋大大块，好少喺
简单啲讲就系所有食物都系单点，但小食同埋饮品都有跟餐价会平啲；另外，佢有几款系一个价钱包3样食物，但饮品就要再加钱；又有得自选汤面，好欣赏佢地可以有咁多配搭俾人拣👍🏻
3 COURSE DINNER
招牌去骨海南鸡配黄姜饭 + 牙车快沙律 (柚子+手撕鸡) + 椒盐脆蛋鱼柳 ($92)
鸡肉厚身多件😍 肉质滑身，唔会太油，黄姜饭比出面多左一份椰汁既香味，食落胃口大开！份量冇嘢好讲。一个字：超级多！👍🏻
牙车快沙律同椒盐脆蛋鱼柳系同一碟上，手撕鸡沙律酸酸甜甜，可以自己落酸辣汁，我唔钟意太酸，令到成个沙律得返个酸味，所以我落咗好少，几啱我胃口，手撕鸡正常发挥🤘🏻鱼柳真系椒盐既味道，差啲唔记得自己食紧越南嘢😂 鱼柳浓味啲，同沙律嘅酸甜有对比，几特别嘅配搭👍🏻少少可惜系佢比海南鸡饭更迟上菜，冇得第一时间开胃先🙊镇店四鸟 (脆鸡皮+手撕鸡+滑鸡件+杏脆鸡) 配椰汁酸汤檬粉 ($88)
一个价钱食到4款鸡，岩哂我呢啲眼阔肚窄既人！四款唔同嘅鸡都好有特色，鸡皮比薯片更加脆，但系又有一定嘅厚度同埋大大块，好少喺出边食到🫰手撕鸡正常，滑鸡件有咖喱/椰香嘅味道，又真系滑同好味🤣杏胆鸡都炸得好松脆，有调过味，啖啖鸡肉，斋食鸡都够👍🏻
椰汁酸汤真系好特别，有椰汁嘅香味，再加本身越南汤檬嘅酸甜味，食落更加开胃，惹味！檬粉粉量都好多，檬粉口感都OK😆
四色檬纸卷 (海胆+烟三文鱼+牛炸酱+手撕鸡) (跟餐价$78; 单点$92)
见到佢有海胆三文鱼呢啲配搭就叫咗，好少喺出边见到越南米纸卷会有呢啲口味😍 嚟到个造型都几靓，檬纸卷可以啱啱好一啖吞晒 (咁我个口都大既🤪)，除咗食到蔬菜嘅鲜，亦都会食到上面主菜既味道，摆埋一齐又几夹㖞！纸卷皮本身都唔算厚，入边都好多料，我冇落酸汁都觉得够味👍🏻 有兴趣试吓唔同口味纸卷嘅食家，可以去试吓😆 四只味我都钟意，海胆、三文鱼呢啲份量都唔少🤩
鲜菠萝冰 (跟餐价$29; 单点$39)
菠萝冰好清甜，超级解暑，再大杯啲就更正啦！😆
结论
🫰有set其实几抵，一定饱
🫰食物有创意，欣赏餐厅既诚意同良心！
⚡️唔近地铁站同埋都多人嫁 (不过唔近MTR都多人，证明真系唔差👍🏻)
好味度：8.5/10
回头度：9/10
餐厅资料
餐厅名称：越男仔
餐厅地址：旺角广华街2-20号翠园大楼二期地下5号舖
营业时间：星期一至日 11:30-23:00
张贴
