12燒

营业中

休息中

今日行完葵芳，见到有间新开嘅串烧店，被门口嘅colourful颜色吸引住，睇睇餐牌，d串烧都系亲民价，唔算太贵，于是买d返屋企加𩠌。佢地有多款式嘅串烧之外，仲有12种口味，真系好花多眼转，玉子烧，烧到外层有少少脆脆地，入面软淋淋，食落又几特别。鸡脾肉，选择咗椒盐口味，佢虽然系烧过，但都保持到鸡肉嘅嫩滑，椒盐味好特出，都几惹味。鱿鱼须串，鱿鱼味劲香，唔会因为过火，而好韧，食落都好爽口。韮菜，选择咗麻辣口味，佢地烧菜嘅水准都唔错，烧得唔干，仲好湿润，配埋麻辣口味，都几过瘾。原条茄子，选择咗避风塘口味，茄子都好大条，烧到淋淋甜甜，加埋d蒜蓉辣椒一齐烧，劲惹味。鸡软骨，选择烧汁口味，粒粒都卜卜脆，个汁好好食，同鸡软骨劲夹，非常日式嘅口味。牛舌，选择咗孜然口味，系厚切，食落非常爽口弹牙，配埋d孜然嘅香味，食到停唔到口。