古味坊 (已結業)

每次经过元朗呢条街都闻到好香嘅蛋糕味，今次终于的起心肝买嚟食。今日新鲜出炉咗伯爵茶口味，原条$80，担心食唔晒嘅都可以选择买一半，呢间店舖仲有好多其他唔同口味添！伯爵茶蛋糕，职员会帮你切埋件，食落口感湿润，唔会干争争，另外味道唔会太甜，食完唔会觉得好腻。伯爵茶味几出，隐约会食到少少茶叶碎，个人几钟意，感觉真材实料！买嘅时候见到有街坊经过赞老板娘啲蛋糕好好食，老板娘都好好，最后送咗件切件蛋糕俾佢添！虽然店舖细细，但除咗古早蛋糕外，其实仲有少量唔同口味嘅凉粉同甜品添！