越粵棧

营业中

休息中

今日都叫咗几多样嘢，难得样样味道都唔错，咁多样之中最好食嘅我认为系呢个煎杂鱼。煎得好香好脆，真系差唔多连骨都可以食埋。炆莲藕片都好食，莲藕好爽。滚豆腐鱼头汤啲鱼头好新鲜鱼云好好食，啖汤好鲜甜。呢个煎藕饼唔好畀佢个卖相呃到，其实味道好好。豉椒炒蚬就普普通通，收货啦。花雕鱼露鸡就麻麻地，可能叫返佢十大招牌菜嘅炸子鸡会更加理想。最后一味喺佢哋呢度十大招牌菜入面嘅金蒜大虾木桶饭，呢个真系好食，啲饭吸晒啲虾嘅味好正。