如菓．愛

营业中

休息中

是日同朋友去Airside食饭，食完饭行街见到呢间水果舖，除咗有时令水果外，仲有鲜榨果汁卖，一于同朋友饮下果汁食下饭后果。呢度嘅果汁有好多款，以十二星座命名，非常有特色；另外仲有大大支嘅一公升果汁，同埋打卡一流嘅脆果杯。同朋友每人叫咗一支果汁及一个果杯，仲有买咗一支大果汁返屋企慢慢叹叹。12星座果汁 :我哋拣咗处女座及摩羯座，处女座系柠檬芒果雪梨汁，味道酸酸甜甜，消暑解腻一流。摩羯座系蓝莓红火龙果雪梨汁，饮落好清甜，蓝莓最适合成日要望电脑嘅我。一公升果汁 :份量十足，果汁即叫即搾，无加糖水保证原汁原味，西瓜汁够晒鲜甜解渴。新鲜水果杯 :有5-6款时令水果，每日都唔同保证新鲜，今日有青提、火龙果、西瓜、哈密瓜等等，$25都算超值。如菓爱心脆果杯 :拣咗火红菲菲，底层嘅红火龙果汁，中间加入忌廉及粟米片，面头再铺满红火龙果，卖相好靓，食落味道唔太甜，粟米片脆脆嘅口感令整体更好味。