立鮨 (黃埔天地) (已結業)

今日试咗《立鮨》嘅午市套餐，餐厅嘅午市套餐有好多款式嘅美食。我拣咗极上寿司定食，只系$188。呢个套餐包括赤身、中吞拿鱼腩、三文鱼、珍宝赤虾、火炙左口鱼边、深海池鱼、北海道带子同海胆寿司，仲有迷你清汤稻庭乌冬同汤同沙律。食落真系丰盛又满足！首先试咗赤身寿司，佢嘅肉质鲜嫩！再嚟中吞拿鱼腩，佢嘅味道浓郁，脂肪嘅香滑口感真系好味😋三文鱼寿司有丰富嘅油脂同鲜味，食落好顺滑。珍宝赤虾寿司鲜甜。火炙左口鱼边焦香味令味道更加突出。深海池鱼有淡淡嘅海洋味道同紧实嘅肉质，非常鲜味。北海道带子鲜甜，带有淡淡嘅甘甜味道。最后就系海胆寿司，浓郁嘅海洋味道同绵密嘅质感，绝对系寿司爱好者嘅最爱！除咗午市套餐，餐厅都有单点寿司嘅选择。我试咗松叶蟹肉海胆寿司，松叶蟹肉嘅鲜甜同埋海胆嘅浓郁真系令人惊喜，每一口都充满著美味。濑尿虾配蟹膏樱花虾寿司，味道层次丰富。原只活赤贝寿司大只爽口。粒贝寿司都好爽。