鳥元炸雞專門店

营业中

休息中

今晚同爸爸出外揾食，行完aeon，系附近谂住揾下野食。行过餐厅门，见到个餐牌又几吸引，而且价钱仲唔贵tim有多款唔同既饭啦、又有乌冬、意粉、鳗鱼、牛、鸡。拣岩自己既主食之后，可以单买或加款拼成套餐。套餐都仲有三款可选，可以加$10配上沙律或泡菜，再跟一杯柠檬茶或汽水。或加$20配上炸鸡两件再加饮品。性价比好高，价钱又唔贵。自己到收银买飞后，便会给一个取餐提示餐，当餐准备好，机仔会发出响声及震动，再到取餐处拎餐，好方便。呢间餐厅仲唔洗收加一。我点了咖哩豚肉乌冬，咖哩不错呀，咖哩汁挂于乌冬上，好好味，而且又好弹牙，惹味。上面淋满了咖哩汁及配料，有豚肉粒、红萝卜、薯仔等等，大满足。而且份量都不少的。正爸爸点了鳗鱼饭，鳗鱼香及肥美，鳗鱼汁淋于白饭上，一啖一滋味，好钟意食鳗鱼饭，而且呢度价钱唔贵，当过下口瘾。食下食下d鳗鱼都好快食晒了。我们两个餐都配了炸鸡套餐。炸鸡外皮脆卜卜，好好味，入面炸得唔会干身，外皮金黄，内部又多汁，大满足。廿蚊有两件炸鸡仲有野饮，抵加钱跟埋个套餐。是晚大满足。呢个餐厅座位都充足，唔错唔错，坐得舒服。