大山日本料理

营业中

休息中

餐厅环境光亮，装潢带日本风格，座位舒服。餐牌有多款类型既食物可以拣，仲有日本酒添。晚市7点半，已经满场，好旺。叫左三色鱼生饭($88)，铁板牛油带子($78)，牛肉寿喜锅($58)，蒲烧鳗鱼串($38)，香草烧鸡翼($28)，蟹肉忌廉薯饼($38)，日本梅酒($32)。鱼生饭上面既刺身光鲜，厚切后口感丰富。其中三文鱼鲜甜，加少少豉油可以提味。仲有厚甜蛋点缀。估唔到d带子超大粒饱满，足足有5大粒。牛油味浓郁，带子鲜甜juicy。仲伴有菇菌，吸哂牛油味。热辣辣好抵食。寿喜锅好岩冬天食，牛肉半生熟上枱，热锅煮熟牛肉，仲有只生蛋，令牛肉肉质滑嫩。牛肉量多，大量蔬菜吸左汤底，甜又惹味。鳗鱼串蒲烧后烧汁浓烈，鱼肉嫩，冇骨，鳗鱼皮带少少焦脆，唔错。鸡翼一串有3只，骨肉易分开，肉汁锁住系肉入面，食个阵有阵阵香草味。薯饼有惊喜，忌廉混入薯蓉，好creamy，有蟹钳拎手，方便食。梅酒冰冻，入口梅子味浓郁，后劲少少酒精味，清爽。整体，食物有质素，而且份量足，上菜速度亦快。入座后，有热茶提供，用QR code落单，方便快捷。侍应服务有礼，赞。